ہندو ہو کر’ ہندوتو‘ا نہیں کروں گا تو پھر اور کیا کروں گا : سی ایم کجریوال

نئی دہلی، 30 نومبر:(اردودنیا.اِن/ایجنسیاں)دہلی کے وزیر اعلیٰ اور عام آدمی پارٹی کے کنوینر اروند کجریوال نے نجی ٹی وی نیوز 18 سے خصوصی بات چیت میں کئی اہم مسائل پر اپنی رائے کا اظہار کیا۔ اس دوران ہندوتوا کی سیاست سے متعلق سوال پر سی ایم کجریوال نے صاف کہا کہ میں ہندو ہوں، اگر میں ہندوتوا نہیں کروں گا تو اور کیا کروں گا۔ سی ایم کجریوال نے یہ بھی کہا کہ 24 گھنٹے لڑنے کا کوئی فائدہ نہیں ہے۔ یہ گالیوں کی سیاست، روزانہ جعلی ویڈیوز لانے کی سیاست نہیں کرنی چاہیے۔ ملک چلانے پر توجہ دینے کی ضرورت ہے۔سی ایم اروند کجریوال نے گجرات انتخابات اور دہلی میونسپل کارپوریشن (ایم سی ڈی) کے انتخابات کو لے کر بڑا بیان دیا۔

انہوں نے کہا کہ ہر الیکشن ایک چیلنج ہوتا ہے، کسی بھی الیکشن کو ہلکا نہ لینا چا ہیے۔ انہوں نے کہا کہ الیکشن عوام سے بات کرنے کا موقع ہے۔ اپنی بات عوام کے سامنے رکھنے کے لیے، اپنے ایجنڈے کو برقرار رکھنے کے لیے، ہر الیکشن اچھا اور چیلنجوں سے بھرا ہوتا ہے۔دہلی کے وزیر اعلیٰ اروند کجریوال نے کہاکہ مجھے لگتا ہے کہ دہلی ایم سی ڈی انتخابات میں 250 میں سے 230 سیٹیں آنی چاہیے۔ گجرات میں 92 کو عبور کیا جائے۔ انہوں نے کہا کہ کوشش کرنے والوں کی کوئی شکست نہیں۔ ہر الیکشن مختلف ہوتا ہے۔ یہ نہ تو گوا جیسا ہے اور نہ ہی اتراکھنڈ جیسا۔ گجرات کا الیکشن گجرات جیسا ہے۔ یہاں کے لوگوں کا کلچر الگ ہے، لیکن مسئلہ پورے ملک میں ایک ہی ہے، مہنگائی، بے روزگاری۔ مجھے یقین ہے کہ عام آدمی پارٹی اس کا کوئی حل نکال لے گی۔سی ایم اروند کجریوال نے کہا کہ روحانیت اور تعلیم دونوں ساتھ ساتھ چلتے ہیں۔ میں عوام کے لیے کام کرتا ہوں۔انہوں نے کہا کہ نوٹ کے اوپر لکشمی- گنیش کی تصویر آجائے تو آپ کو اوپر والے کا آشیرودا حاصل ہوجائے گا۔