خاتون کانسٹیبل کی نہاتے ہوئے ویڈیو بنائی، ملزم ٹرینی کانسٹیبل کے خلاف ایف آئی آر درج
بہار کے روہتاس ضلع میں ایک خاتون کانسٹبل کی نہاتے ہوئے ویڈیو بنانے کا معاملہ سامنے آیا
بہار:(اردودنیانیوز.کام/ایجنسیز) بہار کے روہتاس ضلع میں ایک خاتون کانسٹبل کی پولیس لائن میں بیرک میں نہاتے وقت ویڈیو بنانے کا معاملہ سامنے آیا ہے۔ متاثرہ نے ایک ٹرینی کانسٹیبل پر ویڈیو بنانے کا الزام لگایا ہے۔ پولیس نے اس معاملے میں ایف آئی آر درج کر لی ہے۔جانکاری کے مطابق، ضلع پولیس میں تعینات ایک خاتون کانسٹیبل کو نہاتے ہوئے ویڈیو بنانے پر ایک ٹرینی کانسٹیبل کے خلاف خواتین تھانے میں ایف آئی آر درج کی گئی ہے۔ ملزم ٹرینی کانسٹیبل مفرور بتایا جاتا ہے۔پولیس کے مطابق خاتون کانسٹیبل ضلعی پولیس میں تعینات ہے۔جب وہ باتھ روم میں نہا رہی تھی تو اس کی نظر باتھ روم کی دیوار پر رکھے موبائل فون پر پڑی۔اس کے بعد وہ شور مچانے لگی۔
متاثرہ نے بتایا کہ جب وہ باتھ روم سے باہر آئی تو اس نے ٹرینی کانسٹیبل کو بھاگتے ہوئے دیکھا۔ متاثرہ نے واقعہ کے بارے میں اعلیٰ حکام کو آگاہ کر دیا ہے۔اس سلسلے میں مقامی خواتین پولیس اسٹیشن میں ایف آئی آر درج کر لی گئی ہے۔ ایف آئی آر کے مطابق ملزم کانسٹیبل بکرم گنج تھانے میں تعینات ہے۔خواتین پولیس اسٹیشن کی ہیڈ لکشمی پٹیل نے بتایا کہ معاملے کی جانچ کی جا رہی ہے۔ خاتون کانسٹیبل کو نہاتے ہوئے ویڈیو بنانے پر ملزم کانسٹیبل کو معطل کر دیا گیا ہے۔ تاہم ملزم فی الحال مفرور ہے۔ پولیس اسے پکڑنے کی ہر ممکن کوشش کر رہی ہے۔ بتایا جا رہا ہے کہ ضبط شدہ موبائل کو فرانزک جانچ کے لیے بھیجا جائے گا۔ مہیلا تھانہ میں ایف آئی آر کے بعد ایس پی ونیت کمار نے کارروائی شروع کر دی ہے۔انھوں نے بتایا کے خواتین اور مرد سپاہی ایک ہی بیرک کے دو طرف رہتے ہیں۔ غسل خانے میں سات فٹ اونچی دیوار ہے۔
