ریپ کے مجرم بھاجپا کے رکن اسمبلی کو 25 سال قید اور 10 لاکھ جرمانے کی سزا

نئی دہلی :(اردودنیانیوز.کام/ایجنسیز) سون بھدر اتر پردیش کی دودھی سیٹ سے بی جے پی کے ایم ایل اے رام دولار گونڈ کو ایک نوعمر لڑکی کے ساتھ عصمت دری کرنے کے الزام میں سزا سنائی گئی ہے۔ عدالت نے بی جے پی ایم ایل اے رام دولار گونڈ کو 25 سال قید اور 10 لاکھ روپے جرمانے کی سزا سنائی ہے۔ جرمانے کی رقم متاثرہ کو ملے گی۔سون بھدر کی ایم پی-ایم ایل اے عدالت نے ایک نوعمر لڑکی کی عصمت دری کے معاملے میں یہ فیصلہ سنایا ہے۔ نومبر 2014 میں میئر پور تھانے میں مقدمہ درج کیا گیا تھا اور آٹھ سال کی طویل سماعت کے بعد فیصلہ آیا ہے۔ ایم پی ایم ایل اے کورٹ نے بی جے پی ایم ایل اے رام دلار گونڈ کو 25 سال قید اور 10 لاکھ روپے جرمانے کی سزا سنائی ہے۔

ایم پی ایم ایل اے کورٹ کے جج احسان اللہ خان نے جرمانے کی پوری رقم متاثرہ کو ادا کرنے کا حکم دیا ہے۔ عدالت کے فیصلے کے بعد بی جے پی اور ایم ایل اے کے حامیوں کو بڑا جھٹکا لگا ہے۔ حکم کے بعد رام دولار گونڈ کا قانون سازی کا نقصان یقینی سمجھا جاتا ہے۔ ایم ایل اے کے وکیل نے کہا ہے کہ وہ اس فیصلے کو ہائی کورٹ میں چیلنج کریں گے۔خیال رہے کہ 12 دسمبر کو ایم پی ایم ایل اے کورٹ نے بی جے پی ایم ایل اے گونڑ کو عصمت دری کے معاملے میں قصوروار قرار دیا تھا۔ منگل کو سماعت کے بعد ایم پی ایم ایل اے کورٹ کے جج احسان اللہ خان نے سزا سنانے کے لیے 15 دسمبر کی تاریخ مقرر کی تھی۔

بی جے پی کے ایم ایل اے رام دلار گونڈ کو ریپ کیس میں قصوروار ٹھہرایا گیا تھا۔متاثرہ کے بھائی نے خوشی کا اظہار کرتے ہوئے کہا کہ نو سال بعد انصاف ملا ہے۔متاثرہ کے بھائی نے ایم پی-ایم ایل اے عدالت سے رام دولار گونڈ کو سزا سنائے جانے پر خوشی کا اظہار کیا ہے۔ منگل کو سماعت کے دوران آئے متاثرہ کے بھائی سے اس حوالے سے بات کی گئی، تو اس نے کہا کہ وہ عدالت کے فیصلے سے بہت خوش ہے۔ نو سال کی جدوجہد کے بعد آج اسے انصاف ملا ہے۔ آپ کو بتا دیں کہ متاثرہ کے بھائی کی شکایت پر گونڈ کے خلاف نو سال قبل عصمت دری کا مقدمہ درج کیا گیا تھا،واضح ہو کہ یہ فیصلہ تین دن قبل آیاتھا۔کے ایم ایل اے منتخب ہونے کے بعد، کیس کی سماعت ایم پی/ایم ایل اے کورٹ میں منتقل کر دی گئی۔

ایم ایل اے کی سزا پر اطمینان کا اظہار کرتے ہوئے، متاثرہ کے بھائی نے کہا کہ گونڈ نے ایم ایل اے بننے کے بعدانکے خاندان کو ہراساں کیا اور ان پر دباؤ ڈالا کے کیس واپس لے لیں۔واقعہ کے وقت، گونڈ کی بیوی گاؤں کی پردھان تھی۔ استغاثہ کے ایک سینئر افسر کے مطابق، گونڈ نے مبینہ طور پر لڑکی کو پکڑا اور اس کے ساتھ جنسی زیادتی کی جب وہ 4 نومبر 2014 کی شام رفع حاجت کے لیے قریبی کھیت میں گئی تھی۔متاثرہ نے اپنے بھائی کو یہ بھی بتایا کہ گونڈ نے اسے ڈرا دھمکا کر گزشتہ ایک سال میں کئی بار اس کی عصمت دری کی۔ میورپور پولیس نے لڑکی کے بھائی کی شکایت پر ایم ایل اے کے خلاف مقدمہ درج کیا تھا۔نومبر 2014 میں میور پور پولیس اسٹیشن میں مقدمہ درج کیا گیا تھا اور آٹھ سال کے طویل ٹرائل کے بعد فیصلہ آیا ہے۔گونڈ کے وکیل رام برکش تیواری نے کہا کہ وہ اس فیصلے کے خلاف اپیل دائر کریں گے۔