بدایوں:دو نابالغ بھائیوں کا بہیمانہ قتل,قتل کا ملزم واقعہ کے محض دو گھنٹے بعد ہی مبینہ انکاؤنٹر میں جاں بحق
اس واقعہ کے پیچھے مقصد ابھی تک واضح نہیں ہے۔
بدایوں،20مارچ :(اردودنیانیوز.کام/ایجنسیز)اتر پردیش کے بدایوں ضلع میں دو کمسن بھائیوں کے قتل اور پھر مبینہ پولیس انکاؤنٹر کے بعد علاقے میں کشیدگی ہے۔انڈین ایکسپریس نے پولیس کے حوالے سے لکھا ہے کہ ساجد (30 سال) نامی مقامی حجام نے دو کمسن بھائیوں آیوش (13) اور ہنی (6) کو قتل کر دیا تھا۔اس واقعے کے صرف دو گھنٹے بعد پولیس نے ساجد کو مبینہ انکاؤنٹر میں ہلاک کر دیا۔اتر پردیش کے پولیس ڈائریکٹر جنرل پرشانت کمار نے اخبار کو بتایا کہ ساجد نے پولیس ٹیم پر فائرنگ کی، جس کے بعد انکاؤنٹر میں اس کی موت ہوگئی۔
بریلی رینج کے آئی جی پولیس راکیش سنگھ نے کہا ہے کہ اس واقعہ کے پیچھے مقصد ابھی تک واضح نہیں ہے۔ پولیس کے مطابق ساجد کی بدایوں کے تھانہ سول لائن کی بابا کالونی میں نابالغ بھائیوں کے قریب دکان تھی۔ دونوں نابالغ بھائیوں کے والد ٹھیکیدار ہیں جبکہ ان کی ماں بیوٹی پارلر چلاتی ہے۔پولیس کے مطابق ساجد منگل کی شام 7 بج کر 45 منٹ پر نابالغ بچوں کے گھر گیا تھا، اس وقت اس کے والد بازار میں جبکہ والدہ بیوٹی پارلر میں تھیں، اس وقت اس کی دادی بھائیوں کے ساتھ تھیں۔
پولیس کا کہنا ہے کہ جب لڑکوں کی دادی چائے بنانے گئی تو ساجد تیسری منزل پر گیا جہاں دونوں بھائی اپنے آٹھ سالہ تیسرے بھائی کے ساتھ کھیل رہے تھے۔پولیس کے مطابق اس دوران ساجد نے تیز دھار استرے سے دونوں بچوں کے گلے کاٹ دیے جب کہ تیسرے بھائی کو معمولی چوٹیں آئیں۔ تیسرا بھائی فرار ہونے میں کامیاب ہو گیا اور اپنے گھر والوں کو واقعے کی اطلاع دی۔ اس کے بعد ساجد اس علاقے سے بھاگ گیا۔
Two children were brutally murdered in their home in UP’s Badaun. Angry mob attacked and set on fire accused’s shop. The motive of the murder is yet to be ascertained. pic.twitter.com/pa6wGBgrFx
— Piyush Rai (@Benarasiyaa) March 19, 2024
پھر اطلاع آئی کہ رات 10 بجے کے قریب ساجد مقتولین کے گھر سے سات کلومیٹر دور شیخ پورہ علاقے میں ایک انکاؤنٹر میں مارا گیا۔دونوں بھائیوں کے قتل کے بعد مشتعل افراد نے ساجد کی دکان کو مسمار کر کے آگ لگا دی تھی۔ ملحقہ دو دکانوں کو بھی آگ لگا دی گئی۔علاقے میں اضافی پولیس فورس تعینات کر دی گئی ہے اور صورتحال فی الحال قابو میں ہے۔
