چھتیس گڑھ:سیکورٹی فورسز کے ساتھ تصادم میں 9 نکسلی لقمہ اجل

دانتے واڑہ،3ستمبر :(اردودنیانیوز.کام/ایجنسیز) چھتیس گڑھ کے دنتے واڑہ میں سیکورٹی فورسز کے ساتھ تصادم میں 9 نکسلی مارے گئے۔ ان کے قبضے سے بھاری مقدار میں اسلحہ برآمد ہوا ہے۔ دنتے واڑہ اور بیجاپور کے سرحدی علاقوں میں فوجیوں اور نکسلیوں کے درمیان تصادم جاری ہے۔ تقریباً نصف درجن نکسلیوں کے مارے جانے کی خبر سامنے آئی ہے۔سیکورٹی فورسز کو مغربی بستر ڈویژن میں ماؤنوازوں کے جمع ہونے کی اطلاع ملی تھی جس کے بعد مشترکہ آپریشن کیا گیا۔ پولیس پارٹی اور ماونوازوں کے درمیان تصادم صبح 10:30 بجے سے مسلسل جاری ہے۔معلومات کے مطابق، سیکورٹی فورسز آج صبح تلاشی کے لیے نکلے تھے۔ اسے علاقے میں نکسلائیٹس کے چھپے ہونے کی اطلاع ملی تھی۔اس کے بعد ہی دونوں طرف سے فائرنگ شروع ہو گئی۔

صبح سے دونوں کے درمیان وقفے وقفے سے فائرنگ ہوتی رہی۔28 اگست کو بھی سرحدی علاقے کانکر نارائن پور میں نکسلیوں کے خلاف سیکورٹی فورسز کے آپریشن کی اطلاع سامنے آئی تھی۔اس دوران بھی بہت سے نکسلی مارے جانے کی بات کہی گئی۔معلوم ہوا ہے کہ اس سے قبل 29 اگست کو بھی اینٹی نکسل آپریشن کے تحت نارائن پور-کانکر سرحد پر نکسلیوں اور پولیس کے درمیان انکاؤنٹر ہوا تھا۔ اس دوران سیکورٹی فورسز نے 3 نکسلیوں کو مار گرایا۔ اگست میں، سیکورٹی فورسز نے نکسل مخالف آپریشن کے ایک حصے کے طور پر کارروائی کرتے ہوئے، بہت سے نکسلیوں کو پکڑا اور مار ڈالا۔

اگست کے شروع میں بھی دنتے واڑہ پولس نے بڑی کامیابی حاصل کی تھی۔انکاؤنٹر میں ایک کٹر نکسلائیٹ مارا گیا۔ اس کے علاوہ اسلحہ اور دیگر سامان بھی برآمد کیا گیا۔ اس کے لیے فوجیوں نے برسات کے موسم میں اندراوتی ندی کو عبور کیا اور نکسلیوں کے ٹھکانوں تک پہنچ گئے۔ اس کے بعد نکسلیوں کے عارضی ٹھکانوں پر حملہ کیا گیا۔ تاہم گھنے جنگل کا فائدہ اٹھاتے ہوئے کئی نکسلائیٹ فرار ہو گئے۔