چین کا حیران کن کارنامہ: دو گھنٹے کا سفر پل پر صرف دو منٹ میں!

بیجینگ :(اردودنیا.اِن/ایجنسیز)چین نے Guizhou صوبے میں دنیا کا سب سے اونچا پل Huajiang Grand Canyon تعمیر کر کے عوام کے لیے کھول دیا ہے، جس نے دو گھنٹے کا سفر محض دو منٹ میں بدل دیا۔ یہ پل 625 میٹر بلندی پر Beipan دریا کے اوپر واقع ہے اور سان فرانسسکو کے گولڈن گیٹ برج سے تقریباً نو گنا اونچا ہے۔

پل کی کل لمبائی 2,890 میٹر ہے اور مرکزی اسپین 1,420 میٹر پر محیط ہے، جس کی وجہ سے یہ دنیا کا سب سے لمبے اسپین والا اسٹیل ٹرس سسپنشن برج بن گیا ہے جو پہاڑی خطے میں تعمیر کیا گیا۔ پل کی تعمیر میں استعمال ہونے والا اسٹیل 22,000 ٹن وزنی ہے، جو ایفل ٹاور سے تین گنا زیادہ ہے۔

Huajiang Grand Canyon، جسے "زمین کی دراڑ” کہا جاتا ہے، پر یہ پل نہ صرف عالمی ریکارڈ توڑتا ہے بلکہ چین کی انجینئرنگ مہارت کا بھی شاندار ثبوت ہے۔ Guizhou صوبہ دنیا کے بلند ترین پلوں کا مرکز کہلاتا ہے، جہاں دنیا کے 100 سب سے اونچے پلوں میں سے تقریباً نصف پل موجود ہیں۔

پروجیکٹ کے منیجر Wu Chaoming نے بتایا کہ ہر دن کم از کم 15 کلومیٹر پیدل معائنہ کر کے پل کی تعمیر میں معیار کو یقینی بنایا گیا۔ چیف انجینئر Yang Jian نے کہا کہ پل کی اونچائی محض ریکارڈ کے لیے نہیں بلکہ زمینی ضرورت کے تحت رکھی گئی تاکہ طویل سرنگوں کی ضرورت کم ہو اور ٹریفک کے دوران حفاظت یقینی بن سکے۔

پل کی تعمیر میں جدید ٹیکنالوجی جیسے سیٹلائٹ نیویگیشن، ڈرونز، اسمارٹ مانیٹرنگ سسٹمز اور اعلیٰ معیار کے مواد کا استعمال کیا گیا، جس سے میلی میٹر کی پیمائش تک درستگی ممکن ہوئی۔ منصوبے نے 21 پیٹنٹس حاصل کیے اور کئی تکنیکی ایجادات کو قومی معیار میں شامل کر دیا گیا۔

یہ پل صرف ٹرانسپورٹ کے لیے نہیں بلکہ سیاحت کا بھی مرکز بن رہا ہے۔ حکام نے پل کے اردگرد 50 مربع کلومیٹر پر مشتمل سیاحتی زون تشکیل دیا ہے، جہاں extreme sports، سائنس ایجوکیشن، ویو پوائنٹس اور Cloud-Top Café شامل ہوں گے۔ حال ہی میں یہاں دنیا کا پہلا World’s Highest Bridge Triathlon بھی منعقد ہوا جس میں 20 سے زائد ممالک کے کھلاڑی شامل ہوئے۔

صوبائی ٹرانسپورٹ ڈیپارٹمنٹ کے سربراہ Zhang Yin کے مطابق یہ پل چین کی اختراعی سوچ اور عالمی معیار کی انجینئرنگ کا مظہر ہے۔ ماہرین توقع کرتے ہیں کہ پل سالانہ ایک ملین سے زائد سیاحوں کو اپنی جانب متوجہ کرے گا، جس سے مقامی معیشت، ہوم اسٹے، کھانے پینے اور ثقافتی مصنوعات کی فروخت میں اضافہ ہوگا۔