گیسٹ ہاؤس میں وزیراعلی شیوراج سنگھ چوہان کو مچھروں نے کاٹا، انجینئرز کوکیاگیا معطل

بھوپال: (اردودنیا.اِن)مدھیہ پردیش کے وزیر اعلی شیوراج سنگھ چوہان بس حادثے کے بعد سیدھی گئے تھے۔ یہاں وہ سرکٹ ہاؤس میں رکے۔ اس دوران مچھر نے گندگی کی وجہ سے وزیر اعلی کو کاٹ لیا۔اتناہی نہیں ٹینک سے پانی بہتا رہا۔ اب اس معاملے میں انجینئر کو معطل کردیا گیا ہے۔

کمشنر ریوا ڈویژن کے جاری کردہ حکم میں کہا گیا ہے کہ 17 فروری کو وزیراعلی نے ضلع سیدھی کے دورے کے بعد رات کو سرکٹ ہاؤس سدھی میں آرام کیا۔

اس سلسلے میں سرکٹ ہاؤس کے انچارج بابو لال گپتا کو پہلے بتایا گیا تھا لیکن سرکٹ ہاؤس کے آس پاس صفائی بالکل نہیں تھی۔

حکم میں کہا گیا ہے کہ پانی کا ٹینک مسلسل بہہ رہا ہے، کمرے میں مچھر کی شکایت بھی موصول ہوئی۔ واضح ہے کہ کمرے کی دیکھ بھال وزیراعلی کے وقار کے مطابق نہیں تھی۔ گپتا کو تفویض کردہ کام کو صحیح طریقے سے نہیں کرنے اور ضلعی انتظامیہ کی شبیہ کو داغداراور غفلت کی وجہ سے معطل کردیاگیا۔

بتادیں کہ وزیر اعلی شیوراج سنگھ چوہان حادثے کی خبر کے بعد براہ راست سیدھی گئے تھے۔ منگل کی صبح سیدھی ڈسٹرکٹ ہیڈ کوارٹر سے 80 کلومیٹر دور پٹنہ گاؤں کے قریب بس حادثے میں 54 افراد کی موت ہوئی۔ شیوراج سنگھ چوہان نے اس دورے کے بعد کہا کہ بس حادثے کے مجرموں کو نہیں چھوڑا جائے گا۔

انہوں نے کہا کہ خراب حالت اور ٹریفک جام کی وجہ سے بس کو سدھی سے ستنا جانے کے لئے اپنا راستہ تبدیل کرنا پڑا، سڑک کی مرمت اور وہاں فوری طور پر کرین کا بندوبست کرنا پڑا، تاکہ اگر گاڑی کی خرابی ہو تو اسے دور کیا جاسکے۔