ریا ض 12فروری:(اردودنیا.اِن/ایجنسیاں)سعودی عرب میں زکوٰۃ، ٹیکس اور کسٹم اتھارٹی نے 2483926 کیپٹاگون گولیوں کی اسمگلنگ کی دو کوششوں کو ناکام بنا دیا۔ یہ منشیات جدہ اسلامک پورٹ اور دبئی پورٹ کی بندرگاہوں کے ذریعے مملکت کو موصول ہونے والی کنسائنمنٹس میں چھپائی گئی تھی۔
کسٹمز اتھارٹی نے وضاحت کی کہ اسمگلنگ کی پہلی کوشش جدہ اسلامک پورٹ کے کسٹم پر کی گئی جہاں سے پلاسٹک کے دستانے کی کھیپ موصول ہوئی۔ کھیپ کے معائنے کے دوران 2060000 گولیاں برآمد ہوئیں جنہیں مصنوعی طور پر دستانے کے ڈبوں میں چھپایا گیا تھا۔
اتھارٹی نے مزید کہا کہ اسمگلنگ کی دوسری کوشش دبئی بندرگاہ کے کسٹم پر ہوئی، جہاں اس بندرگاہ کے ذریعے ایک ٹرک پر سوار سنگتروں کی کھیپ مملکت میں موصول ہوئی۔ تلاشی کے دوران ٹرک کے فالتو ٹائر میں چھپائی گئی 423,926 کیپٹا گون گولیاں برآمد ہوئیں۔
مُخبأة في إرساليتي "قفازات بلاستيكية” و”برتقال”
"الزكاة والضريبة والجمارك” تحبط محاولتين لتهريب أكثر من 2.4 مليون حبة كبتاجون.#واس_عام pic.twitter.com/zhBWi4zp9m— واس العام (@SPAregions) February 11, 2022
اتھارٹی نے بتایا کہ اس نے مملکت کے اندر کھیپوں کے 3 وصول کنندگان کو گرفتار کرنے کے لیے جنرل ڈائریکٹوریٹ آف نارکوٹکس کنٹرول کے ساتھ رابطہ کیا تھا۔زکوٰۃ، ٹیکس اور کسٹمز اتھارٹی نے تصدیق کی کہ وہ مملکت کی درآمدات پر کسٹم کنٹرول کو سخت کرنے کا سلسلہ جاری رکھے ہوئے ہے۔
