کورونا: گزشتہ 24 گھنٹوں میں 602 نئے کیس، 5 اموات

نئی دہلی، 3 جنوری:(اردودنیانیوز.کام/ایجنسیز) کورونا نے ایک بار پھر دنیا سمیت ہندوستان کو خوفزدہ کرنا شروع کر دیا ہے۔ ہندوستان میں بدھ کو کورونا وائرس کے 602 نئے کیسز درج کیے گئے۔ اس کے علاوہ پچھلے 24 گھنٹوں میں انفیکشن کی وجہ سے پانچ اموات بھی رپورٹ ہوئیں۔اس کے ساتھ ہی ملک میں ایکٹو کیسز کی تعداد بڑھ کر 4440 ہو گئی ہے۔ منگل کو ایک دن پہلے، ہندوستان میں کووڈ 19 کے 573 نئے کیس درج کیے گئے تھے۔کورونا کے سب ویرینٹ جے این 1 کے کیسز میں مسلسل اضافہ ہو رہا ہے۔ منگل کو جے این 1 کے 312 کیس رپورٹ ہوئے۔ کورونا کی یہ نئی شکل 10 ریاستوں میں پھیل چکی ہے۔

کیرالہ سے سب سے زیادہ کیس رپورٹ ہوئے ہیں۔ منگل کو کیرالہ میں جے این 1 کے 147 کیس رپورٹ ہوئے، اس کے علاوہ گوا سے 51، گجرات سے 34، مہاراشٹرا سے 26، تمل ناڈو سے 22، دہلی سے 16، کرناٹک سے 8، راجستھان سے 5، تلنگانہ سے 2 اور اڈیشہ سے ایک کیس رپورٹ ہوا ہے۔اس سے قبل، منگل کو ملک میں اب تک کووڈ-19 کے نئے ذیلی قسم جے این 1 کے کل 312 کیس رپورٹ ہوئے ہیں، جن میں سے تقریباً 47 فیصد کیسز صرف کیرالہ میں درج کیے گئے تھے۔ مرکز نے ریاستوں اور مرکز کے زیر انتظام علاقوں سے کہا ہے کہ وہ ملک میں کووڈ-19 کے بڑھتے ہوئے معاملات اور جے این1 ذیلی قسم کے مریضوں کی تعداد میں اضافہ پر مسلسل نظر رکھیں۔