دہلی میٹرو نے اپنے نئی ایپ کو کیالانچ ، کئی خصوصیات سے مزین

نئی دہلی، 2 نومبر:(اردودنیانیوز.کام/ایجنسیز) میٹرو دہلی کی مصروف زندگی کے لیے لائف لائن بن گئی ہے، جو لوگ بھاری ٹریفک سے بچنا چاہتے ہیں وہ میٹرو کا سہارا لیتے ہیں۔اس سے دہلی این سی آر کے لوگوں کا روزانہ کا کافی وقت بچتا ہے، لیکن اب دہلی میٹرو ایک نئی ایپ لے کر آئی ہے، جس سے آپ کے سفر کے ساتھ ساتھ خریداری کے وقت کی بھی بچت ہوگی۔ دراصل، دہلی میٹرو کے نئے ایپ سے سفر کے دوران شاپنگ کی جا سکتی ہے۔ سب سے اچھی بات یہ ہے کہ اگر آپ دہلی میٹرو میں سفر کرتے ہوئے کوئی شاپنگ کرتے ہیں تو اسے آخری اسٹیشن پر پہنچایا جائے گا جہاں آپ کا سفر ختم ہوتا ہے۔ اس سے آپ کی خریداری کا وقت بچ جائے گا۔میٹرو کی جانب سے ایک نئی ایپ دہلی مومنٹم 2.0 لانچ کی گئی ہے۔

اس ایپ پر مصنوعات کی ترسیل کی سہولت بشمول کیو آر کوڈ پر مبنی ٹکٹنگ، ای شاپنگ، اسمارٹ کارڈ ری چارج کی سہولت دستیاب ہوگی۔ اس وقت 20 میٹرو اسٹیشنوں پر مصنوعات کی ترسیل کی سہولت شروع کی گئی ہے۔ رپورٹ کے مطابق یہ سہولت باقی ماندہ اسٹیشنوں میں جون سال 2024 تک نافذ کی جا سکتی ہیپ،چار اسٹیشنوں پر دیجیٹل لاکر کی سہولت فراہم کی جارہی ہے۔میٹرو ایپ لاکر کی سہولت 50 اسٹیشنوں پر فراہم کی جارہی ہے۔ لاکر فی گھنٹہ چارج کیا جائے گا،اس کے لیے آپ کو 20، 30 اور 40 روپے ادا کرنے ہوں گے، لاکر کی سہولت سے 6 گھنٹے لطف اندوز ہو سکتے ہیں۔