دھونی نے تاریخ رقم کی، آئی پی ایل میں اس نمبر کو چھونے والے بن گئے پہلے کھلاڑی

نئی دہلی ،29اپریل:(اردودنیانیوز.کام/ایجنسیز)آئی پی ایل 2024 میں چنئی سپر کنگز اور سن رائزرز حیدرآباد کے درمیان کھیلے گئے میچ میں ایم ایس دھونی بیٹنگ کے لیے آئے۔ دھونی ناٹ آؤٹ رہے اور انہوں نے 2 گیندوں میں 5 رنز بنائے۔ دھونی کو میدان میں آتے دیکھ کر شائقین کو یقین ہو گیا کہ ان کا پیسہ وصول ہوگیا ہے۔ اب دھونی نے حیدرآباد کے خلاف میچ کے ذریعے ایک بڑا کارنامہ انجام دیا ہے۔ تاریخ رقم کرتے ہوئے انہوں نے آئی پی ایل کا وہ ریکارڈ اپنے نام کر لیا ہے جہاں روہت شرما اور ویرات کوہلی بھی نہیں پہنچ سکے ہیں۔

درحقیقت دھونی آئی پی ایل کی تاریخ میں 150 جیت کا حصہ بننے والے پہلے کھلاڑی بن گئے۔ روہت شرما اور ویرات کوہلی جیسے تجربہ کار کھلاڑی بھی اب تک اس اعداد و شمار کو چھو نہیں سکے ہیں۔ حیدرآباد کیخلاف میچ میں دھونی بطور کھلاڑی 150 ویں آئی پی ایل جیت کا حصہ بنے۔ اس عرصے کے دوران، دھونی چنئی سپر کنگز کے لیے 135 اور رائزنگ پونے سپر جائنٹ کے لیے 15 جیت کا حصہ تھے۔

چنئی کی ٹیم پر 2016 اور 2017 کے دوران پابندی عائد کی گئی تھی جس کی وجہ سے دھونی سائزنگ پونے سپر جائنٹ کا حصہ بن گئے تھے۔وہ کھلاڑی جنہوں نے سب سے زیادہ آئی پی ایل میچ جیتے ہیں۔ایم ایس دھونی – 150 جیتے،رویندر جڈیجہ- 133 جیتے۔روہت شرما- 133 جیتے۔دنیش کارتک- 125 جیتے۔سریش رائنا- 125 جیتے۔