بھارت جوڑو یاترا میں شامل ہو نے کا دعوت نامہ نہیں ملا : اکھلیش یادو

لکھنؤ ، 26 دسمبر:(اردودنیا.اِن/ایجنسیز) سماج وادی پارٹی کے صدر اکھلیش یادو نے راہل گاندھی کی یاترا میں شامل ہونے کو لے کر اپنا ردعمل دیا ہے۔ انہوں نے کہا ہے کہ انہیں یاترا میں شامل ہونے کا کوئی دعوت نامہ نہیں ملا ہے۔ کانگریس نے اس یاترا کو یوپی میں بڑے پیمانے پر دکھانے کے لیے ایک خاص حکمت عملی تیار کی ہے۔ یوپی میں کانگریس اپنی بھارت جوڑو یاترا میں ایس پی صدر اکھلیش یادو، بی ایس پی سپریمو مایاوتی، آر ایل ڈی کے صدر جینت چودھری کو بھی مدعو کرے گی۔ یہی نہیں کانگریس کے سینئر لیڈر سلمان خورشید نے سبھاسپا کے صدر اوم پرکاش راج بھر کو بھی دعوت نامہ بھیجا ہے۔’

3 جنوری کو کانگریس کی بھارت جوڑو یاترا دہلی سے لونی سرحد کے راستے یوپی کے غازی آباد ضلع میں داخل ہوگی۔ یوپی میں کانگریس کی بھارت جوڑو یاترا صرف تین اضلاع سے گزرے گی، لیکن کانگریس بی جے پی کی تمام اپوزیشن جماعتوں کو ساتھ ملا کر یوپی میں بڑا پیغام دینے کی کوشش کر رہی ہے۔ یہی وجہ ہے کہ کانگریس نے ایس پی، بی ایس پی اور آر ایل ڈی کے صدور کو بھارت جوڑو یاترا میں شامل ہونے کی دعوت دینے کا منصوبہ بنایا ہے۔ تاہم فی الحال یہ کہنا مشکل ہے کہ ان جماعتوں کا اس دعوت نامے کے حوالے سے کیا موقف ہے۔ تاہم، مانا جا رہا ہے کہ آر ایل ڈی کے جینت چودھری راہول گاندھی کے ساتھ یاترا میں شامل ہو سکتے