ڈاکٹر محمد ندیم کو "ڈاکٹر اے پی جے عبدالکلام ریاستی مثالی مدرس ایوارڈ 2025” سے نوازا گیا
"تعلیم کے شعبے میں 30 سالہ خدمات کا اعتراف"
اکولہ/مہاراشٹر: (ای میل)13 اپریل 2025 کو طوبی ناز ہیلپ ملٹی پرپز سوسائٹی، یاول، ضلع جلگاؤں نے سابق صدر بھارت رتن ڈاکٹر اے پی جے عبدالکلام ریاستی سطح کے ایوارڈ سال 2025ء کے لیے ایک عظیم الشان تقریب کا اہتمام کیا۔ یہ پروگرام اتوار کی صبح 11 بجے جلگاؤں شہر کے کلکٹریٹ آفس الپ بچت بھون میں منعقد کیا گیا۔
تقریب میں بطور مہمان خصوصی محترمہ شبھانگی تائی پاٹل (مہاراشٹر ٹیچرس ایسوسی ایشن کی ریاستی صدر) اور مسٹر وجے پوار (تعلیمی توسیعی افسر جلگاؤں) شریک تھے۔ اس موقع پر مختلف سماجی اور تعلیمی شعبوں میں نمایاں خدمات انجام دینے والے افراد کو ایوارڈز سے نوازا گیا۔
کے ایم اصغر حسین جونیئر کالج، اکولہ سے ڈاکٹر محمد ندیم محمد شمیم (معاشیات کے استاد) کو ڈاکٹر گیاس الدین صاحب اور مسز شبھانگی تائی پاٹل کے ہاتھوں ایوارڈ پیش کیا گیا۔
ڈاکٹر ندیم کو سینئر اور جونیئر کالجوں میں مجموعی طور پر 30 سالہ تدریسی تجربہ حاصل ہے۔ انہوں نے 11 مضامین میں پوسٹ گریجویشن کیا ہے، اور امراؤتی یونیورسٹی سے تعلیم میں ڈاکٹریٹ (پی ایچ ڈی) حاصل کی ہے۔ وہ امراؤتی بورڈ کے ماڈریٹر، مختلف تعلیمی ایسوسی ایشنز میں نمائندہ ممبر ہیں، اور ریاستی، قومی و بین الاقوامی سطح پر 12 سے زائد ایوارڈز حاصل کر چکے ہیں۔
یہ باوقار تقریب پروفیسر ڈاکٹر جی اے عثمانی (شعبہ آئل ٹیکنالوجی، اموی، جلگاؤں)، جناب فاروق شیخ (صدر ایکتا سنگھ، جلگاؤں) سمیت کئی معزز شخصیات کی سرپرستی میں انجام پذیر ہوئی۔ دیگر معزز شرکاء میں جناب شیخ خلیل (ایڈمنسٹریشن آفیسر، جلگاؤں)، جناب محمد حنیف خان (سابق پرنسپل و چیئرمین سرسید احمد خان اردو اسکول، ایولہ)، جناب شبیر سر (سابق پرنسپل)، اشوک پربھاکر مدنے، مسٹر پاٹل، ایم ایس ایم، وویک سوریہ ونشی اور مسٹر دنیش سالونکھے شامل تھے جنہوں نے ایوارڈ یافتگان کو مبارکباد دی اور نیک تمناؤں کا اظہار کیا۔
ایوارڈ تقریب کے لیے مہاراشٹر بھر سے مجموعی طور پر 172 درخواستیں موصول ہوئیں، جن میں سے صرف 37 معزز شخصیات کو ایوارڈز کے لیے منتخب کیا گیا۔ نمایاں ایوارڈ حاصل کرنے والوں میں مسز انجم آراء رئیس الدین، مسٹر محمد فاروق، مسٹر سید محمود، مسٹر عبدالرحیم، مسز ریکھا منڈے، مسز سنگیتا باویکر، مسز کلپنا دبڈے، مسز وندنا پاریکر، ڈاکٹر شلونت میشرم، مسٹر پی، احمد اور دیگر شامل تھے۔
پروگرام کا تعارف مسز انیتا چودھری نے پیش کیا، نظامت تنظیم کے ڈائریکٹر جناب فاروق شاہ نعمانی نے کی، اور شکریہ ڈاکٹر جاوید شیخ نے ادا کیا۔ یہ کامیاب اور یادگار تقریب طوبیٰ ناز ہیلپ ملٹی پرپز سوسائٹی کی جانب سے منعقد کی گئی۔
