مشرق وسطیٰ میں بڑھتی کشیدگی پر امریکی فوج کا ’حامی ممالک‘کی حمایت کا انوکھا انداز

نیویارک،۲۹؍اگست :(اردودنیانیوز.کام/ایجنسیز)مشرق وسطیٰ میں تنازعات کے ممکنہ اضافے کے بارے میں انتباہ جاری کرنے کے لیے امریکی فوج نے اپنے انوکھے اقدام میں ڈیٹنگ ایپ Tinder کا سہارا لیا ہے۔خبر کے مطابق ٹنڈر آن لائن ڈیٹنگ کے لیے سوشل نیٹ ورکنگ ایپلی کیشن ہے جو صارفین اپنی تصاویر اور مختصر تعارف کے ساتھ ایک دوسرے کا پروفائل پسند کرنے کے لیے استعمال کرتے ہیں۔امریکی سینٹرل کمانڈ جو مشرق وسطیٰ اور وسطی ایشیا میں فوجی کارروائیوں کی نگرانی کرتی ہے اس نے مبینہ طور پر امریکی افواج اور اتحادیوں پر حملے روکنے کے لیے اس ایپ پر اشتہار کی جگہ خریدی ہے۔جنگی طیاروں کی تصاویر اور CENTCOM کے لوگو کے ساتھ عربی میں لکھا گیا اشتہار، امریکہ ایرانی حکومت اور اس کے حامیوں کی دھمکیوں کے پیش نظر اپنے پارٹنر کی حفاظت کرے گا۔

اشتہار میں درج ہے امریکہ یا اس کے پارٹنر کیخلاف ہتھیار نہ اٹھائیں۔اس اشتہار میں امریکی فوج کی تیاریوں پر بھی روشنی ڈالی گئی، جس میں F-16 فائٹنگ فالکن جیٹ طیاروں اور A-10 تھنڈر بولٹ لڑاکا طیاروں کا ذکر کیا گیا جو خطے میں پہلے سے موجود ہیں۔امریکی اخبار واشنگٹن پوسٹ کے حوالے سے امریکی حکام کے مطابق یہ اشتہار جسے ٹنڈر کی ایپ سے ہٹا دیا گیا ہے، ایک وسیع تر نفسیاتی آپریشنز کی مہم کا حصہ تھا۔امریکی فوج کی جانب سے اس اشتہار کو سب سے پہلے لبنان میں مقیم ایک فری لانس صحافی سیموس مالیکا فضلی نے جمعرات کو رپورٹ کیا ہے۔

لبنانی صحافی جس نے ایکس اکاؤنٹ پر طیارے کے اسکرین شاٹس پوسٹ کیے ہیں اور یہ کہا ہے ’جنگی طیاروں کی تصاویر پر دائیں سوائپ کرنے والے صارفین کوایکس پر ایک CENTCOM عربی پوسٹ پر لے جایا گیا، جس میں امریکی فوج کے پیغامات تھے۔سیموس نے کہا ہے کہ اس سے قبل بھی اسرائیل سے خاص طور پر لبنان کے بارے میں اشتہارات ملتے رہے ہیں جب کہ ٹنڈر اور دیگر ایپس پر اشتہارات عام طور پر کاروباری ہوتے ہیں۔