کولیسٹرول بڑھنے کی شکایت آج کل ہر تیسرے فرد کو ہو رہی ہے کیونکہ جنک فوڈز کا استعمال دن بہ دن بڑھ گیا ہے اور جو کھانے ہم کھارہے ہیں وہ غذائیت کے اعتبار سے مناسب بھی نہیں ہیں چونکہ اب نہ سبزیوں میں بھرپور غذائیت رہی ہے نہ گوشت میں۔ اس سے متعلق ماہرین غذائیت کا کہنا ہے کہ جسم میں کم کثافتی لیپو پروٹین کی سطح جسے کولیسٹرول کی خطرناک حد کہا جاتا ہے اس کا تناسب بڑھنے کا تعلق غذا اور روزمرہ کی روٹین سے ہے۔ اور اگر آپ جسم کو مقررہ مقدار کے مطابق پروٹین، لحمیات اور کاربوہائیڈریٹ فراہم نہیں کریں گے تو عنقریب آپ کا نہ صرف کولیسٹرول تیزی سے بڑھے گا بلکہ ساتھ ہی جسم میں ایسے مادوں کی نشوونما بڑھے گی جو براہِ راست آپ کو دل کی بیماریوں میں مبتلا کردیں گے جس کی ابتداء کولیسٹرول کی زیادتی سے شروع ہوتی ہے۔

ادھیڑعمر کے افراد ہوں یا جوان کولیسٹرول کی زیادتی کا شکار دنیا بھر میں ڈھیروں لوگ ہیں جس پر قابو پانا ایک بڑا مسئلہ بن گیا ہے لیکن اگر ذرا سی نظر اپنے کچن میں دوڑائیں تو روزمرہ ایسی کئی کھانے کی چیزیں ہم استعمال کرتے ہیں جو کولیسٹرول کو کم کرنے کے لئے مفید ہیں لیکن شاید ہمیں ان کی مکمل افادیت کے بارے میں معلوم نہیں ہے۔

اسی لئے آج ہم آپ کو بتارہے ہیں آسانی سے استعمال کی وہ عام چیزیں جو اگر اعتدال سے استعمال کی جائیں تو آپ کی صحت بھی برقرار رہے گی اور کولیسٹرول جیسے ضدی مرض سے بھی بچائیں گی۔

ہلدی

ہلدی کی افادیت کے بارے میں آپ کو معلوم ہی ہے کہ یہ اینٹی بیکٹریل اور اینٹی انفلامیٹری ہے اور ساتھ ہی اس میں ایسے مرکبات پائے جاتے ہیں جو جسم میں کولیسٹرول کی سطح کو کنٹرول رکھنے میں آپ کی مدد کرتے ہیں لیکن اگر آپ اس کو کھانے کے علاوہ دودھ کے ساتھ روزانہ استعمال کریں تو یہ نہ صرف جسم کی غذائیت کو مکمل کرتی ہے بلکہ جسم کی چربی بڑھنے سے بھی بچاتی ہے۔

لہسن

لہسن میں ایلیسن اور سلفر کی بھرپور مقدار ہوتی ہے جو اینٹی کولیسٹرول کا کام کرتی ہے اور جہاں کولیسٹرول کی سطح میں اضافہ ہونے لگتا ہے یہ جسم کے خلیات کو اتنا طاقتور بنادیتا ہے جہاں کولیسٹرول کے بڑھنے کی جگہ نہیں بچتی۔ اس کو کھانا بنانے میں استعمال کریں اور ساتھ ہی نہارمنہ دیسی لہسن چبا کر کھائیں یہ آپ کے جسم کے لئے بہت مفید ہے۔

گرین ٹی

گرین ٹی جہاں ویٹ لوس کا ایک مکمل نسخہ ہے وہیں کولیسٹرول کے لئے بھی ایک مفید حل ہے۔ اس کو پینے سے آنتوں کو بھی سکون ملتا ہے اور ساتھ ہی اضافی کولیسٹرول کو جسم سے خارج کرنے میں آسانی ہوتی ہے۔

السی کے بیج

السی میں اومیگا تھری فیٹی ایسڈ پایا جاتا ہے جس کو اگر آپ پکا کر کھائیں تو بھی اور گرم پانی کے ساتھ نگل لیں تو بھی دونوں طرح سے کولیسٹرول کو بڑھنے سے روکنے میں مفید ہے۔

دھنیا

دھنیے میں فولک ایسڈ، وٹامن اے، سی، کے اور بیٹا کیروٹن پایا جاتا ہے جوکہ جسم میں اضافی فیٹ، کولیسٹرول اور ایل ڈی ایل بڑھنے نہیں دیتا۔ اس کو آپ رات سونے سے ایک گھنٹہ قبل گرم پانی کے ساتھ استعمال کریں یہ نظامِ ہاضمہ کو بھی بہتر بناتا ہے اور فیٹ کو کنٹرول کرتا ہے۔

گردے کی پتھری کا بہترین علاج خربوزے کا دوا نچ کا چھلکا اور ایک چمچہ گوکھرو، ان کو ایک گلاس پانی میں ملاکر جوش دیں، اس کے بعد چھان کر اسے ٹھنڈا کر کے ایک کلاس صبح ایک گلاس شام پئیں ۔ زیادہ پانی پئیں، گردے کی پتھری ریزہ ریزہ کر کے نکل جائیگی۔ سرسوں کے تیل کے چند اہم فوائد سرسوں کے تیل میں موجود چکنائی خون میں کولیسٹرول کی سطح کو قابو میں رکھنے میں انتہائی مفید ہے۔ اس کو کھانے میں استعمال کرنے سے آنتوں کی صفائی اور نظام ہاضمہ کی کار کردگی بہتر ہوتی ہے۔ جسم پر اگر فنگس انفیکشن ہو تو سرسوں کا تیل اس جگہ لگانے سے انفیکشن کے خاتمے میں مدد ملتی ہے۔ اس کی بو سے مچھر دور بھاگتے ہیں۔ اس لئے اسکا بیرونی استعمال ملیریا کے خلاف انتہائی موثر ہے۔ اس میں وٹامن ای کی وافر مقدار موجود ہوتی ہے جس کی وجہ سے یہ آپ کی جلد کو الٹراوائلیٹ شعاعوں اور دوسری ماحولیاتی آلودگی سے محفوظ رکھتا ہے۔آرتھرائیٹس اور جوڑوں کے درد میں اس کی مالش کرنے سے درد میں کافی افاقہ ہوتا ہے۔