ناٹنگھم ،04؍اگست:(اردودنیا.اِن/ایجنسیاں)ہندوستان اور انگلینڈ کے درمیان ٹیسٹ سیریز آج سے ناٹنگھم میں شروع ہوگئی ہے۔ سیریز کے پہلے میچ سے ٹھیک پہلے انگلینڈ کو بڑا جھٹکا لگا ہے۔ دراصل انگلینڈ کی ٹیم کے بہترین ٹیسٹ بلے باز #اولی پوپ (Ollie pope) پہلے میچ سے باہر ہو گئے ہیں۔ چوٹ کی وجہ سے وہ اس سیریز کا پہلا میچ نہیں کھیل سکیں گے۔
اولی پوپ کی جگہ انگلینڈ کی ٹیم میں وکٹ کیپر بیٹسمین جونی بیئرسٹو کو شامل کیا گیا ہے۔ انگلینڈ پہلے ہی بین سٹوکس کے نہ کھیلنے کے اعلان سے مشکل میں تھا۔ دراصل بین سٹوکس نے ذہنی صحت کا حوالہ دیتے ہوئے کرکٹ سے وقفہ لیا ہے۔
اسٹوکس کے بعد اولی پوپ کے ناٹنگھم میں ہونے والے پہلے ٹیسٹ سے باہر ہونے کے بعد اب انگلینڈ کو بڑا دھچکا لگا ہے۔دی ٹیلی گراف کی خبر کے مطابق اولی پوپ نیٹ میں اپنا فٹنس ٹیسٹ پاس نہیں کر سکے۔ اس کی وجہ سے وہ پہلا ٹیسٹ نہیں کھیل سکیں گے ۔ #انگلینڈ کی ٹیم اولی پوپ کی جگہ ڈین لارنس کا انتخاب کر سکتی تھی، لیکن انہوں نے تجربہ کار #کھلاڑی جونی بیئرسٹو کو میدان میں اتارنے کا فیصلہ کیا۔
جونی بیئرسٹو دورہ ہندوستان پر بری طرح فلاپ ہوئے۔ وہ چار میں سے تین اننگز میں کھاتہ بھی نہیں کھول سکے۔ تاہم ان کے ہوم گراؤنڈ انگلینڈ میں ان کی کارکردگی شاندار رہی ہے۔ اسے انگلینڈ کے گراؤنڈز بھی بہت پسند ہیں۔ہندوستان کے بارے میں بات کریںتومینک اگروال پہلے ٹیسٹ کا حصہ نہیں ہوں گے۔ مینک اگروال کو نیٹ میں پریکٹس کے دوران محمد #سراج کی گیند سیدھے ہیلمٹ پر لگ گئی تھی جس کی وجہ سے وہ پوری فٹ نہیں ہیں اس لیے ٹیم نے پہلے #ٹیسٹ میں انہیں آرام دینے کا فیصلہ کیا۔
