نئی دہلی ،02؍اپریل:(اردودنیا.اِن/ایجنسیاں)پٹرول-ڈیزل کی قیمتوں میں آج بروز ہفتہ 2 اپریل 2022 کو ایک بار پھر اضافہ ہوا ہے۔ آج بھی سرکاری تیل کمپنیوں نے فیول آئل کی قیمتوں میں 80-80 پیسے فی لیٹر اضافہ کیا ہے۔ گزشتہ 12 دنوں میں یہ 10 واں اضافہ ہے اور اس اضافے کے بعد تیل کی قیمتوں میں اب تک 7 روپئے 20 پیسے فی لیٹر اضافہ ہوا ہے۔
یعنی ان 12 دنوں میں آپ کو ایک لیٹر پٹرول یا ڈیزل پر 7.20 روپئے زیادہ ادا کرنے ہوں گے۔ جمعہ کو تیل کی قیمتوں میں کوئی تبدیلی نہیں ہوئی تھی۔ تاہم اس سے پہلے دو تین دن تیل کی قیمت میں 80-80 پیسے کا اضافہ ہوا تھا۔واضح رہے کہ آج کا اضافہ اس وقت ہوا ہے جب جمعہ کو عالمی مارکیٹ میں برینٹ کروڈ کی قیمتوں میں ایک ہفتے میں گزشتہ دو سالوں میں بڑی کمی دیکھی گئی۔
سیشن میں تیل کا عالمی بنچ مارک 102.37ڈالر پر طے ہونے کے بعد یہ 0.3 فیصد کم ہوکر 104.39 ڈالرفی بیرل پر بند ہوا۔ برینٹ کروڈ کی قیمت میں گزشتہ ایک ہفتے میں 13 فیصد کی کمی دیکھنے میں آئی، جو اپریل 2020 کے بعد سب سے بڑی کمی ہے۔تاہم روس-یوکرین جنگ کی وجہ سے تیل کی ریکارڈ اونچائی کی وجہ سے مقامی مارکیٹ میں فی الحال کسی راحت کا کوئی امکان نہیں ہے۔
ویسے بھی مارکیٹ کی کئی تجزیاتی رپورٹ میں پہلے ہی کہا جاچکا ہے کہ قیمتوں میں اضافے کے حساب سے ہندوستان میں پیٹرول اور ڈیزل کی قیمتوں میں 9 سے 12 روپئے کا اضافہ ہو سکتا ہے۔آج کے اضافے کے بعد دہلی میں پٹرول 102 روپئے اور ممبئی میں 117 روپئے سے تجاوزکر گیا ہے۔ آج دہلی میں پٹرول کی قیمت 102.61 روپئے اور ڈیزل کی قیمت 93.87 روپئے فی لیٹر ہے۔
ممبئی میں ایک لیٹر تیل 117.57 روپئے میں فروخت ہورہا ہے، جبکہ ڈیزل 101.79 روپئے فی لیٹر میں خریدا جا سکتا ہے۔کولکاتہ میں پٹرول اور 112.19روپئے جبکہ ڈیزل 97.02روپئے فروخت ہورہا ہے۔اور چنئی میں پٹرول 108.21روپئے جبکہ ڈیزل 98.28روپئے میں فروخت ہورہا ہے۔
