سابق شوہر آلوک کی نوکری اور جہیز کا پورا سچ گاؤں والوں نے کھول دی جیوتی موریہ کے دعوؤں کی قلعی

لکھنؤ ، 7جولائی :(اردودنیانیوز.کام/ایجنسیز) آلوک موریہ کے گاؤں میں رہنے والے درگا پرساد استھانہ نے دعویٰ کیا ہے کہ جیوتی کا خاندان آلوک کے خاندان کو پہلے سے جانتا تھا۔ انہوں نے بتایا کہ آلوک کے چچا رام جھرالی موریہ سب انسپکٹر تھے اور ان کی پوسٹنگ جیوتی موریہ کے گاؤں میں تعینات تھی، جس کی وجہ سے دونوں خاندان ایک دوسرے کو بہت پہلے سے جانتے تھے۔درگا پرساد استھانہ نے بتایا کہ جب دونوں خاندان ایک دوسرے کو پہلے سے جانتے تھے تو پھر یہ سوال ہی پیدا نہیں ہوتا کہ آلوک صفائی ملازم تھا یا گاؤں کی ترقی کا افسر، کیونکہ سب کو پہلے سے ہی معلوم تھا کہ آلوک موریہ صفائی ملازم تھا۔

وہیں آلوک موریہ کے بچپن کے دوست رام کرشن چورسیا نے بتایا کہ جیوتی اور میرے دوست کا کنبہ دونوں ایک دوسرے کو شادی سے پہلے جانتے تھے۔ انہوں بتایا کہ آلوک کے چاچا کے رشتہ داری میں بھی جیوتی کا کنبہ آتا ہے، تو یہ سوال ہی نہیں اٹھتا ہے کہ وہ صفائی ملازم ہے یا پھر گرام پنچایت افسر تھا کیونکہ سب کو معلوم تھا وہ ایک صفائی ملازم تھا۔رام کرشن چورسیا نے بتایا کہ جب آلوک موریہ کو 2009 میں صفائی ملازم کے طور پر نوکری لگی تھی تو اس نے پولیس ویری فکیشن کروایا تھا۔ جیوتی موریہ کا الزام ہے کہ جہیز کا مطالبہ کیا گیا ہے۔ رام کرشن چورسیا نے بتایا کہ میں کہہ رہا ہوں کہ ایس ڈی ایم بننے کے بعد ایک پراپرٹی کا رجسٹریشن کرایا گیا تھا یعنی یہ پراپرٹی آلوک موریہ نے خریدی تھی۔رام کرشن چورسیا نے بتایا کہ ان کے پاس پیسہ کہاں سے آیا تھا۔ کوئی براہ کرم اس کی جانچ کرے، رقم آلوک موریہ کے والد نے بھیجی تھی اور زمین جیوتی موریہ کے نام پر رجسٹرڈ تھی۔ میں چاہتا ہوں کہ سب پھر سے ایک ہوجائیں۔