ممبئی :(اردودنیا.اِن/ایجنسیز)ماضی کی مقبول اداکارہ سومی علی نے انکشاف کیا ہے کہ انہیں 5 اور 9 سال کی عمر میں جنسی استحصال جب کہ 14 برس کی عمر میں ’ریپ‘ کا نشانہ بنایا گیا۔سومی علی کا شمار 1990 کی مقبول بالی ووڈ اداکاروںمیں ہوتا ہے، انہوں نے سلمان خان، سنجے دت، سنیل شیٹی اور متھن چکرورتی سمیت اس دور کے مقبول ہیروز کے ساتھ فلمیں کیں۔
سومی علی نے تقریبا ایک درجن کے قریب ہندی فلموں میں کام کیا تھا، وہ 1990 سے قبل 16 برس کی عمر میں فلموں میں کام کرنے کے لیے امریکہ سے بھارت گئی تھیں۔سومی علی کی پیدائش پاکستان کے صوبہ سندھ کے دارالحکومت کراچی میں ہوئی اور وہیں انہوں نے بچپن گزارا، جہاں انہیں کم عمری میں جنسی استحصال کا نشانہ بنایا گیا۔
سومی علی 12 سال کی عمر میں اہل خانہ سمیت کراچی سے امریکا منتقل ہوگئی تھیں، جہاں 14 برس کی عمر میں امریکا میں ان کا ’ریپ‘ ہوا۔سومی علی نے ڈیڑھ دہائی تک بھارت میں وقت گزارا اور 2000 کے بعد واپس امریکا چلی گئیں اور انہوں نے ’نو مور ٹیئرز‘ نامی این جی او کا بنیاد ڈالا۔سومی علی کا فلاحی ادارہ استحصال اور ہراسانی کی شکار خواتین کو مدد فراہم کرتا ہے۔سومی علی کی بھارت میں موجودگی کے دوران ان کے تعلقات سلمان خان سے رہے تھے اور دونوں کئی سال تک ایک ساتھ رہے۔
لیکن اب سومی علی نے کئی سال بعد بچپن اور نوعمری میں اپنے ساتھ ہونے والے واقعات سے پردہ اٹھاتے ہوئے انکشاف کیا ہے کہ انہیں 5 اور 9 سال کی عمر میں جنسی استحصال کا نشانہ بنایا گیا جب کہ 14 برس کی عمر میں ان کا ’ریپ‘ ہوا۔’پیپنگ مون‘ کو دیے گئے انٹرویو میں سومی علی نے بتایا کہ جب بچپن میں انہیں پاکستان میں جنسی استحصال کا نشانہ بنایا گیا تھا، تب انہوں نے والدین کو بات بتائی مگر ان کے والدین نے انہیں خاموش ہوجانے کو کہا۔
سومی علی کا کہنا تھا کہ وہ یادداشتوں پر مبنی ایک کتاب لکھنا چاہتی ہیں، تاہم جیسے ہی وہ ماضی کو یاد کرتی ہیں تو انہیں رونا آتا ہے۔سومی علی نے بتایا کہ بات یہیں تک ختم نہیں ہوئی بلکہ 14 سال کی عمر میں ان کا ’ریپ‘ بھی ہوا اور ان واقعات نے ان کی زندگی پر گہرے منفی اثرات مرتب کیے۔
سومی علی نے انٹرویو میں بتایا کہ انہوں نے جنسی استحصال کا نشانہ بننے والی خواتین کی مدد کی فلاحی تنظیم بنائی مگر ماضی میں وہ خود بھی استحصال کا شکار ہوئیں اور سب سے بڑی بات کہ وہ اپنے ساتھ ہونے والے ظلم پر خاموش رہیں۔سومی علی کا کہنا تھا کہ تاہم تنظیم کو بنائے جانے کے 10 سال بعد 3 سال قبل انہوں نے اپنے ساتھ ہونے والے ہر ظلم پر بات کرنا شروع کی اور یہی وجہ ہے کہ آج وہ بچپن اور کم عمری میں اپنے ساتھ ہونے والے واقعات کی داستان سنا رہی ہیں۔
خیال رہے کہ سومی علی نے انتھ (1994) ، کرشن اوتار (1993) ، یار غدار (1994) ، تیسرا کون؟ (1994) ، آو پیار کریں (1994) ، آندولن (1995) ، مافیا (1996) اور چپ (1997) جیسی فلموں میں کام کیا۔سومی علی پر فلمائے گئے مقبول گیتوں میں ’دل تو کھویا ہے، یہی پہ، کہیں پہ، نظر میں تو، جگر میں تو اور تم ہی تم‘ سمیت دیگر گانے شامل ہیں۔
اپنی شادی کے منصوبوں کے بارے میں بات کرتے ہوئے اداکارہ نے کہا ، "اب میرے لئے شادی اہم نہیں ہے۔ لیکن میں شادی کرنا چاہتی تھی۔ جب میں بیس سال کی عمر میں تھی۔پچیس سال کی عمر میں اپنے بچے پیدا کرنا چاہتی تھیں،سومی علی نے آگے کہا کے میرے بچے میرے این جی او کے لوگ ہیں ” اداکارہ نے یہ بھی انکشاف کیا کہ وہ پچھلے سات سالوں سے رشتہ میں تھیں لیکن کچھ ماہ قبل ہی ان کا تعلق ٹوٹ گیا۔اداکارہ نے کہا کے ابھی شادی کا کوئی ارادہ نہیں ہے۔
