صحت اور سائنس کی دنیاقومی خبریں
کورونا کو شکست دینے میں ناکام ہے ریمیڈیسیور اور ہائیڈراکسی کلوروکوئن،عالمی ادارۂ صحت کا انکشاف
نئی دہلی:(اردودنیا.اِن/ایجنسیاں)جب کورونا وبا نے دنیا پر حملہ شروع کیا تھا تو ریمیڈیسیور(Remdesivir)اور ہائیڈراکسی کلوروکوئن(Hydroxy Chloroquine) کو لے کر لوگ بہت پرامید نظر آ رہے تھے، لیکن دھیرے دھیرے پتہ چلا کہ ان دونوں دواؤں کا کچھ خاص مثبت اثر کووڈ مریضوں پر نہیں ہوتا ہے۔ اب عالمی ادارۂ صحت (World Health Organization) کی ایک تحقیق میں بھی اس بات کا انکشاف ہوا ہے کہ نہ تو #ریمیڈیسیور اور نہ ہی #ہائیڈراکسی #کلوروکوئن (ایچ سی کیو) #کووڈ کے سبب اسپتال میں داخل مریضوں کو ٹھیک کرنے میں مدد کرتی ہے۔
#ناروے (Norway) میں #اوسلو #یونیورسٹی (University of Oslo) اسپتال کے #محققین کی قیادت میں کی گئی تحقیق میں پایا گیا کہ ریمیڈیسیور اور ایچ سی کیو کے ساتھ اینٹی وائرل اثر کی کمی مریض کی عمر، مدت علامت، وائرل لوڈ کی ڈگری اور سورس-کوو-2 کے خلاف اینٹی باڈی کی موجودگی کے باوجود لگاتار بنی ہوئی ہے۔ ریسرچ کے لیے ٹیم نے بے ترتیب ڈھنگ سے ناروے کے 23 اسپتالوں میں داخل 181 #مریضوں پر #ریمیڈیسیور اور ایچ سی کیو کے اثرات کا جائزہ لیا۔محققین نے اسپتال میں داخل ہونے کے دوران شرح اموات میں علاج گروپ کے درمیان کوئی خاص فرق نہیں پایا۔
ریمیڈیسیور اور ایچ سی کیو نے سانس لینے میں ناکامی یا سوجن کی ڈگری کو متاثر نہیں کیا۔ یہ ریزلٹ اینلس آف انٹرنل میڈیکل میں شائع ہوا ہے۔ اس ریسرچ کے بعد جو نتیجہ سامنے آیا ہے اس کی بنیاد پر محققین ریمیڈیسیور اور ایچ سی کیو کی اینٹی وائرل صلاحیت پر سوال اٹھاتے نظر آئے ہیں۔
(ر15)
