گورکھپور :6 جنوری (ایجنسیز)گاوں والوں نے متنازعہ آراضی پر قبضہ کرلیا تھا، مشتعل پولیس اہلکاروں نے گاوں والوں کو مارا پیٹا ، جس کے بعد ماحول خراب ہوگیا۔ لوگوں نے پولیس پر پتھراؤ بھی کیا۔ پولیس اہلکار اپنی جانیں بچانے کے لئے بھاگے۔ اس واردات میں تین خواتین سمیت ایک درجن دیہی زخمی ہوگئے۔ اسی کے ساتھ ہی ایس او ویریندر کشواہا سمیت تین پولیس اہلکاربھی زخمی ہو گئے ۔ اے ایس پی اے پی سنگھ نے موقع کے بارے میں دریافت کیا۔ گاؤں کے چنچل یادو اور گاؤں سبھا درمیان دو بیگھا آراضی کی ملکیت کو لے کر تنازعہ ہے۔
اس سے منسلک مقدمہ کمشنر گورکھپور کی عدالت میں زیر سماعت ہے۔ 16 دسمبر کو ، چنچل یادو نے ایس ڈی ایم تمکہی راج سے متنازعہ آراضی جوتنے کی اجازت لے لی تھی ، جس پر ایس ڈی ایم نے موقع پر امن برقرار رکھنے کی ہدایت دی تھی۔ایس او ویریندر کشواہا پولیس فورس کے ساتھ متنازعہ زمین پر پہونچے اور چنچل یادو سے باتیں کرنے لگے۔ یہ ان کی موجودگی میں ہی چنچل نے متنازعہ آراضی پر ٹریکٹر سے ہل چلانا شروع کیا۔
جب گاؤں کے لوگوں کو اس کا علم ہوا تو وہ مشتعل ہوگئے۔ گائوں کی ایک بڑی تعداد موقع پر پہونچ گئی اور ہل چلانے کی مخالفت کرنا شروع کردیا۔ احتجاج کرنے والے دیہی اور پولیس کے ساتھ شدید جھڑپ ہوئی۔ اس سے اچانک ماحول خراب ہوگیا۔ دیہی مشتعل ہوگئے اور پولیس پر اینٹ اور پتھراؤ شروع کردیا۔ موقع پر بھگدڑ مچ گئی۔ پولیس نے بتایا کہ اس معاملے میں جو بھی قصوروار پایا جائے گا اس کے خلاف سخت کارروائی کی جائے گی۔
