جمائیکا،23؍اگست:(اردودنیا.اِن/ایجنسیاں)ویسٹ انڈیز کے خلاف دو ٹیسٹ میچوں کی سیریز کے دوسرے #میچ میں پاکستان ٹیم کے مڈل آرڈر بیٹسمین فواد عالم نے #سنچری بنائی اور اس کے ساتھ ہی انہوں نے #پاکستانی #ٹیم کے لیے تاریخ رقم کی۔ تاہم انہیں ایک دہائی سے زائد عرصے کے بعد ٹیسٹ #کرکٹ میں واپسی کا موقع ملا، لیکن انہوں نے ثابت کیا کہ ٹیم نے اسے ڈراپ کر کے اچھا نہیں کیا۔
دراصل #فواد عالم ٹیسٹ کرکٹ میں تیز ترین پانچ #سنچریاں بنانے والے پاکستان کے پہلے بلے باز بن گئے ہیں۔ فواد نے یہ کارنامہ اتوار کو ویسٹ انڈیز کے خلاف جاری دوسرے ٹیسٹ میں حاصل کیا۔ بائیں ہاتھ کے بلے باز نے اپنی 22 ویں اننگز میں پانچویں ٹیسٹ سنچری اسکور کی۔ فواد سے پہلے پاکستان کے سابق کپتان یونس خان نے ملک کے لیے یہ کارنامہ سرانجام دیا تھا۔ یونس خان نے 28 اننگز میں 5 سنچریاں بنائی تھیں۔
ساتھ ہی سلیم ملک نے ٹیسٹ کرکٹ میں پاکستان کے لیے 29 اننگز میں 5 سنچریاں بنائیں۔ اس کے علاوہ فواد عالم پاکستان کے ایسے چھٹے بلے باز بن گئے ہیں، جنہوں نے کنگسٹن کے سبینا پارک میں سنچری بنائی ہے۔ ان سے پہلے امتیاز احمد، وزیر محمد، آصف اقبال، یونس خان اور انضمام الحق ویسٹ انڈیز کے خلاف سنچریاں بنا چکے تھے۔ 35 سالہ فواد عالم ٹیسٹ میں پانچ سنچریاں بنانے والے ایشیا کے تیز ترین بلے باز بن گئے ہیں۔ اس معاملے میں انہوں نے چیتیشور پجارا، سورو گنگولی اور سنیل گواسکر کو پیچھے چھوڑ دا ہے۔
پجارا نے 24 اننگز میں 5 اور گنگولی اور گواسکر نے 25 سنچریاں بنائی تھیں۔ فواد عالم نے 2009 میں ٹیسٹ ڈیبو کیا، لیکن اس کے بعد انہیں ڈراپ کر دیا گیا اور پھر اگست 2020 میں انہیں ٹیم میں دوبارہ موقع ملا اور اس کے بعد انہوں نے چار سنچریاں بنائی ہیں۔
