’’کھاد بحران ہی ’مامو ں گینگ‘ کی کمائی کاذریعہ ‘‘ کانگریس لیڈر ڈگ وجے سنگھ کاشیوراج حکومت پر نشانہ

نئی دہلی ،03؍ نومبر :(اردودنیا.اِن/ایجنسیاں) ملک کی بیشتر ریاستیں اس وقت کھاد کے بحران کا سامنا کر رہی ہیں۔ جس کی وجہ سے ملک کسان در در کی ٹھوکریں کھانے پر مجبور ہیں۔ ریاست مدھیہ پردیش کے اشوک نگر کے پپرول میں مبینہ طور پر کھاد کی کمی کی وجہ سے ایک کسان کی خودکشی کی خبر حال ہی میں میڈیا کی سرخیوں میں تھی۔

حکام کا کہنا ہے کہ انتظامات کیے جا رہے ہیں۔ لیکن حقیقت میں مدھیہ پردیش میں ڈی اے پی کی کمی کو کم وقت میں دور کرنا تھوڑا مشکل لگتا ہے۔

آنے والے دنوں میں مسئلہ بڑھ سکتا ہے۔ کیونکہ زیادہ تر کوآپریٹو اداروں کے پاس کھاد نہیں ہے، وہ بھی ایسے وقت میں جب ربیع کی فصل میں گندم، چنے، دال، سرسوں کی بوائی ہونی ہے۔

مدھیہ پردیش کے سابق وزیر اعلی اور کانگریس کے سینئر لیڈر دگ وجے سنگھ نے اس معاملے میں وزیر اعلی شیوراج سنگھ چوہان اور ان کی حکومت کو نشانہ بنایا ہے۔ ڈگ وجے نے بدھ کو ایک ٹویٹ میں لکھا کہ یہ کھاد کا بحران ہے جو مامو گینگ کو کمانے کا موقع فراہم کرتا ہے۔

مرکزی وزیر زراعت، کھاد کے بحران کو دور کریں، ورنہ ماموں سارا الزام آپ پر ڈال دیں گے۔ ٹویٹ کے ساتھ ایک خبر بھی شیئر کی گئی ہے، جس میں کہا گیا ہے کہ نومبر کے مہینے میں کھاد کا بحران بڑھ سکتا ہے کیونکہ کھاد کی سپلائی مطالبے کے مقابلے میں صرف 50 فیصد ہے۔

تاہم انہوں نے اپنے ٹویٹ میں شیوراج سنگھ چوہان کے نام کا براہ راست ذکر نہیں کیا ہے لیکن سبھی جانتے ہیں کہ شیوراج کو ریاست میں ’ماما‘ کے نام سے جانا جاتا ہے۔

وہ خود کو ریاست کی خواتین کے بھائی کے طور پر پیش کرتے رہے ہیں۔ مدھیہ پردیش میں کھاد کا بحران اس قدر ہے کہ گزشتہ ماہ ساگر ضلع کے بینا میں کسانوں نے ٹرینیں روکیں، باندہ میں کانپور ہائیوے کو بلاک کیا اور اپنے مطالبے کے لیے مظاہرہ کیا۔ یہ حالت اس لیے ہے کہ ریاست کے 3400 کوآپریٹیو اداروں میں کھاد نہیں ہے۔

اس ماہ 12 ریک یوریا، 5 ریک ڈی اے پی اور 10 ریک این پی کے ملنا ہے۔ مدھیہ پردیش کے علاوہ یوپی میں بھی کھاد کی کمی کی خبریں آئی ہیں۔ یوپی کے سابق سی ایم اکھلیش یادو بھی اس بارے میں آواز اٹھا رہے ہیں۔