پہلے جوکچھ ہوا،انہیں بھول جائیں،ادھو ٹھاکرے کی مسلمانوں سے اپیل

ممبئی، 17اپریل:(اردودنیانیوز.کام/ایجنسیز) پہلے جو ہوا اسے بھول جائیں، ہم سب اکٹھے ہو کر اس ملک اور ڈاکٹر باباصاحب امبیڈکر کے آئین کو بچانے کے لیے اپنی ذمہ داری ادا کریں گے۔اس طرح کی اپیل شیو سینا صدر ادھو ٹھاکرے نے مسلمانوں سے اپیل کی اس موقع پر انھوں نے اس خدشہ کا بھی اظہار کیا کہ اس کے بعد اس ملک میں الیکشن ہوں گے ۔ ادھو ٹھاکرے نے دادر میں شیوسینا بھون میں،آئندہ لوک سبھا انتخابات کے موقع پر مسلمانوں سے بات چیت کی۔ اس وقت ادھو ٹھاکرے نے کہا کہ ملک کے آئین کو بچانے کے لیے جو کچھ ہوا اسے بھول جائیں، ہمیں متحد ہونا چاہیے۔

ٹھاکرے نے ماہم کے مسلم کمیونٹی کے لوگوں کے ساتھ میٹنگ کی۔مسلم کمیونٹی کے لوگوں نے کہا کہ ادھو ٹھاکرے کے ساتھ بات چیت کرنا اچھا لگا۔ انہوں نے ہر کمیونٹی کو ساتھ لے کر آگے بڑھنے کی بات کی ہے۔ انہوں نے ملک کے آئین کو بچانے کی بات کی۔ ہمیں ڈاکٹر باباصاحب امبیڈکر کے آئین کو بچانے کے لیے اکٹھا ہونا ہوگا۔اس موقع پر لوگوں نے کہا کہ ہم ان لوگوں کی حمایت کریں گے جو ملک کے لیے بہتر ہیں۔ ہماری کسی سے کوئی دشمنی نہیں ہے۔ مستقبل میں ملک کے لیے جو اچھا ہو گا ہم اس کا ساتھ دیں گے۔ ادھو ٹھاکرے نے اچھا کام کیا ہے۔راشد انصاری اپنے تاثرات کا ااظہار کرتے ہوئے یہ بھی کہا کہ آج ہمارے ملک کے عوام کو بہت سے مسائل کا سامنا ہے۔

ادھو ٹھاکرے نے کورونا کے دوران بہترین کام کیا۔ وہ ایک مقبول وزیر اعلیٰ تھے۔ وہیں ماہم کے عقیل احمد شیخ نے کہا کہ ادھو ٹھاکرے نے انیل دیسائی کو منتخب کرنے کے لیے کہا، جو مہاویکاس اگھاڑی کے ترقی پسند نظریات کے امیدوار ہیں۔ پچھلے 25 سالوں سے ہمارے علاقے میں شیوسینا کے ایم ایل اے منتخب ہوتے ہیں۔ ہم ترقی پسند لوگ ہیں۔ بی جے پی کے دور میں جمہوریت کو خطرہ ہے۔ نجکاری بڑھ رہی ہے۔ لیبر قوانین کو ختم کر دیا گیا ہے۔