عارف اور سارس کی دوستی -چڑیاگھر میں نظر آیا جذباتی لگاؤ
عارف بھی ویڈیو میں سارس سے باتیں کرتے ہوئے نظر آئے اور انہوں نے پرندے سے پوچھا کہ ’کیا حال ہے؟ پہچان گئے؟‘
کانپور ،12؍اپریل:(اردودنیانیوز.کام/ایجنسیز) پچھلے مہینے ہندوستان میں ایک سارس اور ایک کسان کی دوستی کی کہانیاں سوشل میڈیا پر سپر ہٹ ہو رہی تھی ،آگے آگے موٹرسائیکل پر کسان اور پیچھے اڑتا ہوا سارس سوشل میڈیا پر سب سے پرکشش خبر کے طور پر مقبول ہوئے تھے ، جس کے بعد سارس کو کانپور زو پہنچا دیا گیاتھا، اب عارف کی زو میں بند سارس سے ملاقات ہوئی۔منگل کو صحافی پییْش رائی نے ٹوئٹر پر عارف اور سارس کی ملاقات کی ایک ویڈیو شیئر کی اور لکھا کہ عارف پنجرے میں بند اپنے دوست سے ملنے کانپور برڈ سینکچوری گئے تھے۔ویڈیو میں عارف کی آمد پر سارس کو خوشی سے اچھلتے کودتے دیکھا جا سکتا ہے جس سے یہ گماں ہوتا ہے کہ سارس اپنے دوست کو دیکھ کر خوشی کا اظہار کر رہا ہے۔عارف بھی ویڈیو میں سارس سے باتیں کرتے ہوئے نظر آئے اور انہوں نے پرندے سے پوچھا کہ ’کیا حال ہے؟ پہچان گئے؟‘
عارف نے پرندوں کی پناہ گاہ میں تعینات افسران سے یہ بھی پوچھا کہ کیا سارس کو پنجرے سے نکالا جاسکتا ہے؟ جس پر ایک افسر نے نفی میں جواب دیا۔پرندوں کی پناہ گاہ سے باہر نکلتے وقت عارف نے سارس سے کہا کہ ’یہیں پر رہو آرام سے، ہم پھر آئیں گے۔
گذشتہ برس فروری میں 35 سالہ محمد عارف ایک زخمی سارس اپنے ساتھ گھر لائے تھے جو ان کو اتر پردیش کے ضلع امیٹھی کے ایک گاؤں سے ملا تھا۔محمد عارف نے تقریباً 13 ماہ تک سارس کی دیکھ بھال کی ،تاہم حال ہی میں انہیں معلوم ہوا کہ ان پر وائلڈ لائف پروٹیکشن ایکٹ کے تحت مقدمہ درج ہو چکا ہے۔سارس کو پہلے رائے بریلی میں پرندوں کی سماس پور پناہ گاہ میں منتقل کیا گیا اور بعد میں اس کو اس لیے کانپور کے چڑیا گھر بھیج دیا گیا کہ یہ اب قدرتی ماحول نہیں بلکہ گھریلوآ رام کا عادی بن چکا تھا۔
मुख्यमंत्री @myogiadityanath जी से पुनः सविनय निवेदन कर रहा हूँ।
आज़ाद कर दीजिए सारस को, इन दोनों की दोस्ती वन्य अधिनियम के किसी कानून से बढ़ कर है।
क्या मिलेगा किसी को इन्हें अलग कर?
वन्य संरक्षण अधिनियम, किसी बेजुबान को इस तरह पिंजड़े में बंद करने की इजाजत भी नहीं देता। pic.twitter.com/xQpKuxbmYJ
— Surya Pratap Singh IAS Rtd. (@suryapsingh_IAS) April 12, 2023
