نئی دہلی :(اردودنیا.اِن/ایجنسیاں)ملک میں کھانا پکانے والی گیاس تقسیم کرنے والی کمپنیوں میں انڈین آئل-انڈین، بھارت پیٹرولیم-بھارت گیس، ہندوستان پٹرولیم-ایچ پی گیس شامل ہیں۔ یہ سرکاری شعبے کی کمپنیوں سے تعلق رکھنے والی گیس کمپنیاں ہیں۔ وہ ڈسٹری بیوٹرز کے نیٹ ورک کے ذریعے کھانا پکانے کے گیس سلنڈر تقسیم کرتے ہیں۔عام طور پر ہمارے گھر تک گیس ایجنسی کی ذریعہ سپلائی کیا جاتا ہے۔کبھی آپ نے سونچا کے ڈیلر بننے کے لیے کیا شرائط ہیں اسکے لیے کتنا خرچہ آئے گا اور اسکی آمدنی کیا ہوگی-
گیس ایجنسی یا ڈیلرشپ کیسے لیں۔
گیس ایجنسی کو شروع کرنے کے لئے کچھ قواعد ہیں۔کمپنیوں کی جانب سے لگائے گئے قوانین کے مطابق انہیں گیس ایجنسی شروع کرنے کے لیے لائسنس حاصل کرنا ہوتا ہے۔گیس کمپنیوں کو ایجنسیوں کی منظوری کے لئے وقتا فوقتا درخواستیں موصول ہوتی ہیں۔گیس کمپنیوں کی جانب سے گیس ایجنسی کے لیے اخبارات میں اشتہار بھی دیا جاتا ہے۔
درخواست کیسے دیں
وہ امیدوار جو ہندوستان پٹرولیم کی ویب سائٹ پر مذکورہ گیس ایجنسی شروع کرنا چاہتے ہیں وہ ویب سائٹ یا آف لائن کے ذریعہ درخواست دے سکتے ہیں۔ درخواست دینے کے بعد، منتخب ہونے پر متعلقہ شخص کو انٹرویو کے لئے بلایا جائے گا. پیرامیٹرز کے مطابق گیس ایجنسی مالکان کا انتخاب کیا جائے گا۔ شارٹ لسٹ کیے گئے افراد کی فہرست انٹرویو کے بعد ویب سائٹ پر ڈال دی جائے گی۔ اس کے بعد اس مقصد کے لیے مطلوبہ دستاویزات فراہم کرنا ہوں گی۔دستاویزات کا جائزہ لینے کے بعد متعلقہ کمپنی براہ راست اس جگہ کا معائنہ کرے گی جہاں گیس ایجنسی قائم کی جائے گی اور وہ جگہ جہاں اسٹوریج گودام قائم کیا جائے گا۔ اگر آپ کے پاس اپنی کوئی جگہ نہیں ہے. 15 سال کے لئے لیز پر لی گئی زمین ہونی چاہئے۔
درخواستیں ریزرویشن کی بنیاد پر بھی منتخب کی جاتی ہیں۔ ایس سی اور ایس ٹی کے لئے بھی ریزرویشن ہوتا ہے۔ قواعد کے مطابق مجاہدین آزادی، سابق فوجی، مسلح افواج کے اہلکار، ریٹائرڈ پولیس اہلکار، قومی کھلاڑی اور معذور افراد ریزرویشن کا فائدہ اٹھا سکتے ہیں۔
کسی بھی گیس کمپنی کی ایجنسی کے لیے اخبارات میں اشتہار دیا جاتا ہے۔ اسکے علاوہ معلومات https://www.lpgvitarakchayan.in پورٹل پر بھی دستیاب ہیں۔ کسی بھی گیاس ایجنسی کومضافاتی علاقہ میں شروع کرنے کے لئے کم ازکم 35 لاکھ روپے سے 40 لاکھ روپے تک خرچ ہونگے جبکہ دیہی علاقوں میں اس کی قیمت کا تخمینہ 15 لاکھ روپے تک ہے۔
کمیشن کتنا ملے گا آمدنی کتنی ہوگی؟
گیس ایجنسیوں کو 14.2 کلو گرام کا رسوئی گیس سلنڈر فروخت کرنے پر کم از کم 61 84 روپے کا کمیشن ملے گا۔ اگر 5 کلو گرام کا سلنڈر فروخت ہوتا ہے تو کمپنیاں ڈسٹری بیوٹرز کو 30.09 روپے کا کمیشن دیں گی۔
