آحمدآباد،15؍اپریل:(اردودنیا.اِن/ایجنسیاں)گجرات میں اسمبلی انتخابات سے پہلے کانگریس میں رسہ کشی ہے۔ ہاردک پٹیل کی جانب سے کانگریس کو نشانہ بنانے کے بعد یہ قیاس کیا جارہا تھا کہ وہ پارٹی چھوڑ رہے ہیں۔ دریں اثناء عام آدمی پارٹی گجرات کے سربراہ گوپال اٹالیہ نے ایک بیان دیتے ہوئے کہا کہ ہاردک پٹیل کو کانگریس میں وقت ضائع کرنے کے بجائے عام آدمی پارٹی میں شامل ہونا چاہئے۔
انہوں نے کہا کہ اگر ہاردک پٹیل کانگریس کو پسند نہیں کرتے ہیں، تو انہیں عآپ جیسی نظریہ والی پارٹی میں شامل ہونا چاہئے۔ کانگریس سے شکایت کرنے اور اپنا وقت ضائع کرنے کے بجائے انہیں عام آدمی پارٹی میں شامل ہوجانا چاہیے۔جبکہ گجرات میں کانگریس کے ورکنگ صدر ہاردک پٹیل نے پارٹی چھوڑنے کی افواہوں کی تردید کی ہے۔
انہوں نے کہا کہ میں کانگریس چھوڑ رہا ہوں، مجھے نہیں معلوم کہ ایسی افواہیں کون پھیلا رہا ہے۔ انہوں نے کہاکہ اب تک میں نے اپنا 100 فیصد کانگریس کو دیا ہے اور آنے والے دنوں میں بھی دوں گا۔ ہم گجرات میں بہتر ترقی کریں گے۔
ہاردک نے کہا کہ پارٹی کے اندر چھوٹی چھوٹی لڑائیاں اور الزام تراشی ہوتی رہتی ہیں، لیکن ہمیں اسے پورا کرنے کے لیے مل کر کام کرنا ہوگا، گجرات ایک بہتر جگہ ہے۔ انہوں نے کہا کہ اگر سچ بولنا جرم ہے تو مجھ پر الزام لگائیں، گجرات کے لوگوں کو ہم سے توقعات ہیں، ہمیں ان کے سامنے کھڑا ہونا ہے۔
