نئی دہلی ،13جون:(اردودنیا.اِن/ایجنسیاں)ہریانہ کے شہر گروگرام کے سیکٹر-102 کے بج گھیرا گاؤں میں اتوار کی دیر رات زبردست آگ لگ گئی، جس میں تقریباً 150 جھونپڑیاں جل گئیں۔ یہ اطلاع فائر ڈپارٹمنٹ کے حکام نیدی ہے۔ابتدائی تحقیقات سے پتہ چلتا ہے کہ آگ رات 12.30 بجے کے قریب لگی۔حکام کے مطابق بج گھیرا تھانے کی حدود کے قریب پلاسٹک کے گودام میں پھیلے چھوٹے سلنڈر میں پھٹنے سے جھونپڑیوں میں آگ لگ گئی۔
آگ پر قابو پانے کے لیے ایک درجن کے قریب فائر ٹینڈرز موقع پر پہنچ گئے۔فائرآفیسررمیش سینی نے کہا کہ آگ پراب قابو پا لیا گیا ہے لیکن ہوا کی وجہ سے دھواں باقی ہے۔انہوں نے کہا کہ آگ لگنے سے سینکڑوں جھونپڑیاں تباہ ہو گئیں۔ تاہم کسی جانی نقصان کی اطلاع نہیں ملی ہے۔نیزآگ لگنے کی صحیح وجہ کا پتہ لگایا جا رہا ہے۔پولیس اور فائر ڈیپارٹمنٹ کے اہلکار موقع پر موجود آپریشن کی نگرانی کر رہے تھے۔
