ممبئی ، 19جولائی :(اردودنیانیوز.کام/ایجنسیز) ہندوستانی کرکٹر ہاردک پانڈیا نے اپنی اہلیہ نتاسا سٹینکووچ کو طلاق دے دی ہے۔ ہاردک نے جمعرات کو سوشل میڈیا پر پوسٹ کرکے اپنی بیوی سے علیحدگی کا اعلان کیا۔ ہاردک نے کہا کہ 4 سال ساتھ رہنے کے بعد میں نے اور نتاشا نے باہمی رضامندی سے علیحدگی کا فیصلہ کیا ہے۔ اس کے بعد کہا جا رہا ہے کہ ہاردک کو اپنی 170 کروڑ روپے کی جائیداد کا 70 فیصد نتاشا کو دینا ہو گا۔قابل ذکر ہے کہ ہاردک پانڈیا اور اداکارہ ماڈل نتاشا کافی عرصے سے ایک ساتھ نظر نہیں آئے تھے۔ نتاشا آئی پی ایل 2024 کے دوران کسی بھی میچ میں اسٹیڈیم نہیں پہنچی تھیں، جب کہ اس سے پہلے ہر سال نتاشا ہاردک اور ان کی ٹیم کو خوش کرنے اسٹیڈیم پہنچتی تھیں۔
ہاردک نے اس بار نتاشا کو سالگرہ کی مبارکباد بھی نہیں دی۔ ایسے میں یہ بات پہلے ہی واضح تھی کہ دونوں کے تعلقات اچھے نہیں ہیں۔اب جب کہ طلاق کا معاملہ صاف ہو گیا ہے، سوال اٹھ رہے ہیں کہ ہاردک پانڈیا کو اپنی جائیداد کا 70 فیصد نتاشا کو دینا پڑے گا۔ تاہم اس حوالے سے ابھی تک کوئی سرکاری اطلاع سامنے نہیں آئی ہے۔یہ خبر بھی اس وقت سامنے آئی جب طلاق کی خبریں رپورٹس کے ذریعے سامنے آئی ہیں۔ اب ایک بار پھر مداح سوشل میڈیا پر ایسی باتیں شیئر کر رہے ہیں،تاہم 2018 میں، ہاردک نے ایک انٹرویو کے دوران بتایا تھا کہ انہوں نے اپنی تمام جائیداد اپنی ماں کے نام کر رکھی ہے، کیونکہ وہ مستقبل میں اپنی آمدنی کا 50 فیصد کسی کو نہیں دینا چاہتے۔ خیال رہے کہ اصول و ضوابط کے مطابق ہاردک کو نتاشا کو کچھ پیسے گزارہ بھتہ کے طور پر ادا کرنے ہوں گے؛ لیکن یہ رقم کیا ہوگی اس کے بارے میں ابھی تک کوئی باضابطہ اعلان نہیں ہوا ہے۔
