ہریانہ: دیوتاؤں کی مبینہ قابل اعتراض ویڈیو پر ایک شخص گرفتار

گروگرام، 6اگست :(اردودنیانیوز.کام/ایجنسیز)ایک شخص کو سوشل میڈیا پلیٹ فارم پر ہندو دیوتاؤں پر ایک قابل اعتراض ویڈیو شیئر کرنے کے الزام میں گرفتار کیا گیا ہے، پولیس کے ترجمان سوبے سنگھ نے کہا کہ ساجد کو جو اتر پردیش کا باشندہ ہے، مذہبی جذبات بھڑکانے، سماجی ہم آہنگی کو بگاڑنے اور نفرت انگیز تقریر سے متعلق الزامات کا سامنا ہے۔پولیس نے بتایا کہ وہ ہریانہ کے فرید آباد ضلع میں این آئی ٹی فرید آباد علاقے میں گزشتہ تین سالوں سے ایک سیلون کا مالک ہے اور وہیں رہائش پذیر ہے۔فیس بک پر شیئر کی گئی ہندو دیوتاؤں سے متعلق ویڈیو میں ان کا کہنا تھا کہ غیر مہذب زبان کا استعمال کیا گیا ہے۔

سنگھ نے کہا کہ ساجد اور دو دیگر کے خلاف سارن پولیس اسٹیشن میں مقدمہ درج کیا گیا ہے۔ اسے عدالت میں پیش کرنے کے بعد پولیس ریمانڈ پر لیا جائے گا، ترجمان نے مزید کہا کہ دیگر دو ملزمان کی گرفتاری کے لیے چھاپے مارے جا رہے ہیں۔سنگھ نے کہا کہ فرید آباد پولیس نے ساجد کو اتر پردیش کے بجنور سے گرفتار کیا اور لوگوں سے اپیل کی کہ وہ کسی بھی قسم کے ایسے بیانات کے بارے میں پولیس کو مطلع کریں جس سے سماجی ہم آہنگی کو بگاڑنے کا امکان ہو۔انہوں نے کہا کہ ایسے سماج دشمن عناصر کے خلاف سخت کارروائی کی جائے گی۔