زندگی بدلیں,مٹی کی پانچ چیزیں صحت بخش-فرحین عدنان بنگلور

مٹی کے برتن سب سے زیادہ بیماریاں گلے ہوئے کھانے سے ہوتی ہیں، گلے ہوئے کھانے اور پکے ہوئے کھانے میں فرق ہے، جس طرح ایک سیب پکا ہوا ہوتا ہے اور ایک گلا ہوا، مٹی کے برتن میں کھانا آہستہ آہستہ پکتا ہے، اس کے برعکس سِلور، اسٹیل، پریشر کُکر یا نان اسٹِک میں کھانا گلتا ہے، تو سب سے پہلے اپنے برتن بدلیں، یقین جانیں! جن لوگوں نے برتن بدل لیے، اُن کی زِندگی بدل جائے گی۔

کُوکِنگ آئل: کوکنگ آئل وہ استعمال کریں، جو کبھی جمے نہ، دنیا کا سب سے بہترین تیل جو جمتا نہیں، وہ زیتون کا تیل ہے، لیکن یہ مہنگا ہے، ہمارے جیسے غریب لوگوں کے لیے سرسوں کا تیل ہے، یہ بھی جمتا نہیں، سرسوں کا تیل واحد تیل ہے، جو ساری عمر نہیں جمتا، اور اگر جم جائے تو سرسوں نہیں ہے، ہتھیلی پر سرسوں جمانے والی بات بھی اسی لیے کی جاتی ہے، کیونکہ یہ ممکن نہیں ہے، سرسوں کے تیل کی ایک خوبی یہ بھی ہے کہ اس کے اندر جس چیز کو بھی ڈال دیں گے، اس کو جمنے نہیں دیتا، اس کی زِندہ مثال اچار ہے، جو اچار سرسوں کے تیل کے اندر رہتا ہے، اس کو جالا نہیں لگتا،اور اِن شاء اللہ جب یہ سرسوں کا تیل آپ کے جسم کے اندر جائے گا تو آپ کو کبھی بھی فالج، مرگی یا دل کا دورہ نہیں ہوگا،آپ کے گردے فیل نہیں ہونگے، پوری زندگی آپ بلڈ پریشر سے محفوظ رہیں گے، کیونکہ سرسوں کا تیل نالیوں کو صاف کرتا ہے، جب نالیاں صاف ہوجائیں گی تو دل کو زور نہیں لگانا پڑے گا، سرسوں کے تیل کے فائدے ہی فائدے ہیں،ہمارے دیہاتوں میں جب جانور بیمار ہوتے ہیں تو بزرگ کہتے ہیں کہ ان کو سرسوں کا تیل پلائیں،آج ہم سب کو بھی سرسوں کے تیل کی ضرورت ہے۔

نمک تبدیل کریں: نمک ہوتا کیا ہے؟ نمک انسان کا کردار بناتا ہے، ہم کہتے ہیں بندہ بڑا نمک حلال ہے، یا پھر بندہ بڑا نمک حرام ہے،نمک انسان کے کردار کی تعمیر کرتا ہے، ہمیں نمک وہ لینا چاہئے جو مٹی سے آیا ہو، اور وہ نمک آج بھی پوری دنیا میں لاہوری نمک ہے، پِنک ہمالین نمک 25 ڈالر کا 90 گرام یعنی 4000 روپے کا نوے گرام اور چالیس ہزار روپے کا 900 گرام بِکتا ہے، اور ہمارے یہاں چالیس پچاس روپے کلو ہے۔

بدقسمتی دیکھیں!ہم گھر میں آیوڈین مِلا نمک لاتے ہیں، جس نمک نے ہمارا کردار بنانا تھا، وہ ہم نے کھانا چھوڑ دیا۔اسلئے میری آپ سے گذارش ہے کہ ہمیشہ پتھر والا نمک استعمال کریں۔

مِیٹھا: ہم سب کے دماغ کو چلانے کے لئے میٹھا چاہئے، اور میٹھا اللہ کریم نے مٹی میں رکھا ہے یعنی گَنّا اور گُڑ، اور ہم نے گُڑ چھوڑ کر چِینی کھانا شروع کر دی،خدارہ گُڑ استعمال کریں۔

پانی: انسان کے لئے سب سے ضروری چیز پانی ہے، جس کے بغیر انسان کا زندہ رہنا ممکن نہیں، پانی بھی ہمیں مٹی سے نِکلا ہُوا ہی پینا چاہئے، پوری دنیا میں آبِ زم زم سب سے بہترین پانی ہے، اور اس کے بعد زمین سے نکلا ہوا تازہ پانی ہے۔

گندم: اس کے بعد مٹی سے نکلنے والی گندم استعمال کریں، لیکن گندم کو کبھی بھی چھان کر استعمال نہ کریں، گندم جس حالت میں آتی ہے، اُسے ویسے ہی استعمال کریں، یعنی سُوجی، میدہ اور چھان وغیرہ نکالے بغیر۔ کیونکہ! ہمارے آقا کریم حضرت محمد صلی اللہ علیہ وسلم بغیر چھانے آٹا کھاتے تھے،تو پھر طے یہ ہوا کہ ہمیں یہ پانچ کام کرنے چاہئیں۔

مٹی کے برتن میں رکھ کر، مٹی کے گلاس میں پئیں، اور ان ساری چیزوں کے ساتھ گندم کا آٹا، اب سوال یہ پیدا ہوتا ہے کہ ہم یہ ساری چیزیں کیوں لیں؟ یہ ساری چیزیں ہم نے اس لئے لینی ہیں کہ اسی میں صحت ہے، اور اللہ پاک نے ہمیں مٹی سے پیدا کیا ہے، اور ہم نے واپس بھی مٹی میں ہی جانا ہے۔