ایم پی سمیت 6 ریاستوں میں شدید بارش کا الرٹ

نئی دہلی،2اگست:(اردودنیانیوز.کام/ایجنسیز) اتر پردیش اور مدھیہ پردیش سمیت 6 ریاستوں میں اگلے چار دنوں تک بھاری بارش کا الرٹ جاری کیا گیا ہے۔ مدھیہ پردیش میں 4 اگست تک موسلادھار بارش ہوگی۔ دوسری طرف اتر پردیش میں 3 سے 5 اگست تک بارش کا امکان ہے۔تریپورہ میں اگلے پانچ دنوں تک مسلسل بارش ہو سکتی ہے۔ مدھیہ پردیش اور مہاراشٹرا میں بھی تین سے چار دن تک بارش کا امکان ہے۔ گجرات میں 4 اور 5 اگست کو شدید بارش کا الرٹ جاری کیا گیا ہے۔اس کے علاوہ ساحلی کرناٹک میں 2 سے 4 اگست تک بارش ہوگی۔ اس کے علاوہ ہماچل، ہریانہ، راجستھان میں 2 سے 5 اگست تک بارش کا امکان ہے۔ یہاں کولکتہ میں شدید بارش کی وجہ سے کئی علاقوں میں سڑکیں زیر آب آگئی ہیں۔

ساتھ ہی ہماچل میں لینڈ سلائیڈنگ کی وجہ سے نیشنل ہائی وے کو بند کر دیا گیا ہے۔ اتراکھنڈ میں الکنندا ندی پر بنے پل کا ایک حصہ ٹوٹ کر دریا میں گر گیا۔ اس دوران پل پر کام کرنے والا ایک مزدور دریا میں بہہ گیا۔ مزدور کی تلاش جاری ہے۔ان ریاستوں میں موسلادھار بارش ہوگی۔ اتراکھنڈ، مشرقی اتر پردیش، مشرقی مدھیہ پردیش، بہار، جھارکھنڈ، مغربی بنگال، چھتیس گڑھ، اڈیشہ، وسطی مہاراشٹر، آسام، میگھالیہ، تریپورہ، ناگالینڈ، میزورم، منی پور، مشرقی راجستھان۔ جبکہ مغربی راجستھان، سکم، کیرالہ، کرناٹک، تلنگانہ، اروناچل پردیش، ہریانہ، چندی گڑھ، دہلی، پنجاب میں بارش کی کوئی پیشین گوئی نہیں کی گئی ہے ۔