بالوں کی خوبصورتی اور چمک کیلئے لوگ خاص طور پر خواتین نت نئے شیمپو اور ہیئر کنڈیشنرز استعمال کرتی ہیں لیکن اس کے باوجود بالوں کا قدرتی حسن واپس نہیں آتا۔ تاہم کچھ ایسے گھریلو نسخے بھی ہیں جو نہ صرف خشکی کو ختم کر دیتے ہیں بلکہ بالوں کی قدرتی چمک، ریشمی پن اور کشش کو دوبارہ بحال کر دیتے ہیں۔ ذیل میں چند نسخوں کے بارے میں بتایا جارہا ہے۔

ناریل کے دودھ کا استعمال: خواتین بالوں کو دلکش بنانے اور خشکی کو ختم کرنے کے لئے موئسچرائزنگ کریموں کا استعمال کرتی ہیں جس سے بال سخت اور بھر بھرے ہو جاتے ہیں۔ تاہم کچھ شیمپو اور کنڈیشنر بالوں کی خشکی ختم کر سکتے ہیں لیکن اس کے کچھ نقصانات بھی ہیں۔ گھر پر ہی کنڈیشنر بنانے کے لئے ناریل کا دودھ چوتھائی کپ لیں اور بالوں پر لگالیں لیکن جڑوں تک دودھ نہ جائے جب کہ بالوں کو چند منٹ تک اسی طرح رہنے دیں اور کسی اچھے شیمپو سے نہالیں۔

سر کہ، زیتون اور دہی سے علاج: ماہرین کا کہنا ہے کہ سر کہ بالوں کے لئے قدرتی کلینر کا کام کرتا ہے جسے مہینے میں ایک بار استعمال کیا جائے۔ شہر کے نمکین پانی کی وجہ سے بالوں میں سختی اور خشکی پیدا ہو جاتی ہے جس کے لئے زیتون کے تیل کا ایک چمچہ لے کر اسے دہی کے 2 چمچوں کے ساتھ ملا کر استعمال کریں۔ اس نسخے سے بالوں کی قدرتی چمک واپس آجائے گی۔

سیب اور لیموں کا استعمال: بالوں کی خشکی کو ختم کرنے اور چمک کے لئے لیموں اور سیب کا جوس انتہائی مفید ہے جس کے لئے ایک چمچہ سیب کا جوس لے کر اس میں 2 چمچے لیموں کا رس ملالیں اور شیمپو سے بال دھونے کے بعد اسے لگا لیں اور ایک منٹ بعد سر دھو لیں۔ ماہرین کے مطابق سیب کے جوس کی تیزابیت بالوں کی بیرونی سطح کو لچکدار اور چمکدار بناتی ہے۔