ممبئی:(اردودنیانیوز.کام/ایجنسیز)آرٹیفیشل انٹیلیجنس AI (Artificial Intelligence) ہماری دنیا کے ٹرینڈز کو تیزی سے تبدیل کر رہی ہے۔انٹرنیٹ پر اے آئی آرٹسٹ مختلف اقسام کی تصاویر اور خیالی مناظر کو تخلیق کرتے ہیں جنہیں دیکھنے والے دنگ رہ جاتے ہیں۔اے آئی کی سب سے بڑی خوبی یہ ہے کہ انسان اپنے دماغ میں جو سوچتا ہے، وہ بنا سکتا ہے۔اسی سلسلے میں فوٹو اینڈ ویڈیو شیئرنگ پلیٹ فارم انسٹاگرام پر ساہڈ نامی اے آئی آرٹسٹ نےبالی ووڈ کی مشہور اداکاراؤں کی بڑھاپے کی تصاویر اپلوڈ کی ہیں۔آئیے دیکھتے ہیں کہ بالی ووڈ سپر سٹار اداکارائیں اپنے بڑھاپے میں کیسی نظر آئیں گی۔
ساہڈ نے سب سے پہلی تصویر بالی وڈ کی سپر اسٹار دپیکا پاڈوکون کی اپلوڈ کی ہے جس میں وہ اپنے بڑھاپے میں نظر آ رہی ہیں۔دوسری تصویر کترینہ کیف کی ہے۔ آئی اے سے بنائی گئی تصویر میں بالی وُڈ ’کیٹ‘ کے سفید بال واضح ہیں۔تیسری تصویر عالیہ بھٹ کی ہے۔ اُن کے بھی بال سفید دکھائے گئے ہیں اور جبکہ سپر سٹار کے ماتھے پر جُھریاں بھی واضح ہیں۔اسی طرح چوتھی تصویر انوشکا شرما کے بڑھاپے کی ہے۔ انوشکا شرما ماتھے پر بِندیا لگائے اور ساڑھی پہنے ہوئے ہیں۔
اس انسٹاگرام پوسٹ میں پانچویں تصویر بالی ووڈ اور ہالی ووڈ کی اسٹار پرینکا چوپڑا کی ہے۔صرف یہی نہیں چھٹے نمبر پر ساہڈ نے شردھا کپور کی تصویر لگائی ہے۔ وہ اپنے بڑھاپے میں نہایت سنجیدہ لگ رہی ہیں۔ساتویں نمبر پر بالی ووڈ کی اداکارہ کریتی سینن کی تصویر ہے۔ ان کے چہرے پر جُھریاں دیکھی جا سکتی ہیں جبکہ بالوں میں سفیدی بھی واضح نظر آرہی ہے۔سب سے آخر میں بالی ووڈ کی لیجنڈری اداکارہ ایشوریا رائے بچن کے بڑھاپے کی تصویر ہے۔ بقیہ ادکاراؤں کی طرح ان کے بھی سفید بال آ گئے ہیں، جبکہ چہرے پر بڑھاپے کی علامات واضح نظر آ رہی ہیں۔
