آئی آئی ٹی بنارس میں طالبہ کے کپڑے اتارنے کا معاملہ، احتجاج

وارانسی، 3نومبر :(اردودنیانیوز.کام/ایجنسیز) وارانسی کی کاشی ہندو یونیورسٹی میں ایک بار پھر ایک طالبہ کے ساتھ چھیڑ چھاڑ کا معاملہ سامنے آیا ہے۔ دیر رات آئی آئی ٹی بی ایچ یو کی طالبہ کے ساتھ چھیڑ چھاڑ کے واقعہ کے بعد طلباء میں غصہ ہے۔ کیمپس میں دو ہزار سے زائد طلباء احتجاج پر بیٹھے ہیں۔بتایا جا رہا ہے کہ طالبہ رات گئے اپنے دوست کے ساتھ گھوم رہی تھی کہ زرعی انسٹی ٹیوٹ کے قریب باہر کے کچھ نوجوانوں نے انہیں گھیر لیا۔ طلباء کو الگ کر دیا گیا، ان کے کپڑے اتارے گئے اور تصاویر کھینچی گئیں۔

الزام ہے کہ طالبہ پر حملہ کرنے کے بعد اس کا موبائل بھی چھین لیا گیا۔ کالج کے طلبہ کو جب اس واقعہ کا علم ہوا تو جمعرات کو ہزاروں طلبہ نے کیمپس میں مظاہرہ کیا۔طلباء نے ملزم نوجوانوں کے خلاف سخت کارروائی کا مطالبہ کیا ہے۔ طلباء نے مطالبہ کیا ہے کہ کیمپس میں رات کے اوقات میں باہر کی گاڑیوں پر پابندی لگائی جائے۔ اس کے علاوہ پورے کیمپس میں سی سی ٹی وی کیمرے لگائے جائیں۔ واقعے پر سخت اور فوری کارروائی کی جائے۔