کیا قطر حماس پر پابندیاں لگانے کی طرف بڑھ رہا ہے؟

نیویارک ، 21 جون:(اردودنیانیوز.کام/ایجنسیز)ایک امریکی ذریعے نے انکشاف کیا ہے کہ اگر حماس مذاکرات کی میز پر واپس نہیں آتی تو قطر اس پر پابندیاں عاید کرسکتا ہے۔اسرائیل اور حماس کے درمیان غزہ کی پٹی میں جنگ بندی اور دونوں فریقوں کے درمیان قیدیوں کے تبادلے کے معاہدے تک پہنچنے کی امیدوں میں کمی کے تناظر قطر فلسطینی تحریک پر پابندیاں عائد کرنے کی کوشش کر سکتا ہے۔اسرائیلی براڈکاسٹنگ کارپوریشن کی رپورٹ کے مطابق گذشتہ چند دنوں کے دوران امریکہ نے اسرائیل کو ایک پیغام بھیجا تھا جس میں کہا گیا تھا کہ اگر دوحہ حماس مذاکرات کی میز پر واپس نہیں آیا تو اس پر پابندیاں عائد کرنے کے قریب ہے۔انہوں نے کہا کہ اسرائیلی حکام کسی حد تک پر امید ہیں کہ اگر دوحہ حماس پر دباؤ ڈالنے میں کامیاب ہو جاتا ہے تو جلد ہی مذاکرات دوبارہ شروع ہو سکتے ہیں۔

یہ لیکس قطری وزیر اعظم محمد بن عبدالرحمن آل ثانی کی کل حماس کے سینیر عہدیداروں سے ملاقات کے بعد سامنے آئی ہیں جس کا مقصد مذاکرات کو آگے بڑھانا ہے۔پولیٹیکو اخبار نے کل بدھ کو رپورٹ کیا تھا کہ امریکی صدر جو بائیڈن کی انتظامیہ کے 4 اہلکاروں نے اسرائیل اور حماس کی مجوزہ وسیع خطوط کے دائرہ کار میں جنگ بندی کے جامع معاہدے تک پہنچنے کی صلاحیت پر سوال اٹھایا۔ان باخبر عہدیداروں نے وضاحت کی کہ اگرچہ دونوں فریقوں کے درمیان غزہ میں جنگ بندی کے حوالے سے مختصر مدت کے لیے کوئی معاہدہ طے پا گیا تب بھی اس کے بعد معاہدہ ختم ہونے کا قوی امکان ہے۔

ذرائع نے اشارہ کیا کہ وہ دونوں فریقوں کے درمیان دراڑ کو ختم کرنے کے امکان کے بارے میں پرامید نہیں ہیں۔امریکی ٹی وی ’CNN‘ کی خبر کے مطابق تقریباً دو ہفتے قبل کئی امریکی ذرائع نے اطلاع دی تھی کہ قطر نے حماس کو دھمکی دی تھی کہ اگر معاہدہ نہ ہوا تو اس کے رہنماؤں کو دوحہ چھوڑنے کے لیے کہا جائے گا۔یہ قطری دھمکی اگر سچ ہے کئی ہفتے قبل شروع ہونے والے مذاکرات کے بعد سامنے آئی تھی مگر ان مذاکرات کا ابھی تک کوئی نتیجہ نہیں نکلا۔حماس نے کہا تھا کہ اس نے جنگ بندی کی تجویز سے نمٹنے میں بڑی حد تک لچک کا مظاہرہ کیا ہے۔تاہم اس نے مستقل جنگ بندی اور غزہ کی پٹی سے مکمل اسرائیلی انخلاء پر اپنے دیرینہ مطالبات پر اصرار کیا ہے۔