فلسطینی شہری کا دوسری بار گھر مسمار

نابلس:(اردودنیا.اِن/ایجنسیاں) اسرائیلی قابض اتھارٹی کے بلڈوزروں نے کفر قاسم میں فلسطینی کا زیر تعمیر مکان مسمار کر دیا ہے۔ یہ واقعہ جمعرات کے روز 1948 کے مقبوضہ علاقے میں  پیش آیا ہے۔ مقامی لوگوں کے مطابق اس علاقے میں اس سے پہلے بھی اسرائیلی قابض اتھارٹی اسرائیلی پولیس کی ہمراہی میں بے شمار فلسطینی خاندانوں کے گھروں کو مسمار کر چکی ہے  اہم بات یہ ہے کہ  اس تازہ واقعہ میں متاثرہ فلسطینی خاندان کا یہ گھر جسے جمعرات کے روزبلڈوزر کے ساتھ گرایا گیا ہے۔ اسے دوبارہ تعمیر کیے جانے کے  دوران دوسری بار گرایا گیا ہے۔یہ بھی دیکھا گیا ہے کہ 1948 کے مقبوضہ علاقوں میں فلسطینیوں کے گھروں اور دوسری املاک کو اسرائیلی قابض اتھارٹی کچھ عرصے سے ایک مہم کے طور پر مسمار کر رہی ہے

ہبۃ الکرامۃ تحریک میں حصہ لینے کے پاداش میں 4 فلسطینی کو قید کی سزا

مقبوضہ بیت المقدس ، 25 نومبر:(اردودنیا.اِن/ایجنسیاں)صہیونی عدالت نے مقبوضہ علاقوں کے قصبے طمرا سے تعلق رکھنے والے چار نوجوانوں کو قید کی سزائیں سنائیں۔ ان فلسطینی نوجوانوں پر الزام ہے کہ انہوں نے ’سیف القدس‘ کے دوران مئی 2021 میں ھبۃ الکرامہ احتجاجی تحریک میں حصہ لیا تھا۔قابض فوج نے نوجوان محمد ابو رومی، محمد ابو الھیجا اور بہا ابو الھیج کو 7 سال قید کی سزا سنائی جب کہ نوجوان ابراہیم مریحکو 5 سال قید کی سزا سنائی گئی۔چار نوجوانوں کے لیے سزا سے پہلے کا آخری سیشن 15 نومبر کو حیفا کی مرکزی عدالت میں منعقد ہوا تھا اور پبلک پراسیکیوشن نے ان نوجوانوں کے خلاف 7 سے 10 سال کے درمیان اصل قید کی سزا کا مطالبہ کیا تھا۔

دو دیگر نوجوان احمد مریح اور مصطفی عواد کو گھروں میں نظربندی کی سزا سنائی گئی۔گرفتار نوجوانوں سے منسوب سب سے نمایاں الزامات میں قومی اور یہودی مخالف بنیادوں پر جان بوجھ کر دہشت گردی کی کارروائی کرنا تھا۔قابل ذکر ہے کہ قابض پولیس اور شن بیٹ نے غزہ پر جارحیت کے خلاف احتجاجی مظاہروں، مسجد الاقصی پر دھاوا بولنے اور دھاوا بولنے کی کوششوں کے پس منظر میں مقبوضہ علاقوں کے اندر سیکڑوں فلسطینی نوجوانوں کی گرفتاریوں کی مہم چلائی تھی۔

24 گھنٹوں میں 3 فلسطینیوں کی شہادت ، نابلس میں مکمل ہڑتال رہی

نابلس ، 25 نومبر :(اردودنیا.اِن/ایجنسیاں)قابض اسرائیلی فوج کی طرف سے پچھلے چوبیس گھنٹوں کے دوران تین فلسطینیوں کی شہادت کے سلسلے میں جمعرات کے روز نابلس میں احتجاجاً ہڑتال کی گئی۔ اس دوران نابلس مینںمارکیٹیں، بازار ، کاروبار ، تعلیمی ادارے اور دفاتر وغیرہ بند رکھے گئے۔نابلس شہر میں مکمل شٹر ڈاون کا ماحول تھا۔ ان تین شہدا میں سے 30 سالہ محمد حرزاللہ شہید ہوا ، اسے قابض فوج نے ماہ جولائی میں فائرنگ کر کے زخمی کیا تھا۔

دوسرے شہید کا نام محمد ابو کشک ہے۔ 22 سالہ ابو کشک اور اس کے ساتھ 16 سالہ احمد شہادہ کو اسرائیلی قابض فوج نے منگل کی رات نابلس کے مشرقی حصے میں فائرنگ کا نشانہ بنایا تھا۔نابلس کے رہنے والے ان تین شہدا کی یکے بعد دیگرے ہونے والی شہادت کے سلسلے میں نابلس کے شہریوں نے مکمل ہڑتال کی۔دریں اثنا شہید فلسطین حرزاللہ اور شہید ابو کشک کے جنازوں کے جلوس میں بڑی تعداد میں فلسطینی شہریوں نے شرکت کی۔ ان دو شہیدوں کو جمعرات کے روز سپرد خاک کیا گیا۔