جیل میں بند بی آر ایس لیڈر کے کویتا کی عدالت میں پیشی، عدالتی حراست میں توسیع

نئی دہلی،9اگست :(اردودنیانیوز.کام/ایجنسیز)بدعنوانی کے الزام میں تہاڑ جیل میں بند بی آر ایس لیڈر کے کویتا کو آج ویڈیو کانفرنسنگ کے ذریعے راؤز ایونیو کی عدالت میں پیش کیا گیا۔ ان کی عدالتی تحویل میں 21 اگست تک توسیع کر دی گئی۔دہلی شراب پالیسی اسکام کیس میں بدعنوانی کے الزام میں تہاڑ جیل میں بند بی آر ایس لیڈر کے کویتا کو ویڈیو کانفرنسنگ کے ذریعے راؤز ایونیو کورٹ میں پیش کیا گیا۔ جہاں عدالت نے کویتا کی عدالتی تحویل کی مدت 21 اگست تک بڑھا دی ہے۔

سی بی آئی کو 14 اگست تک کا وقت دیا گیا ہے۔عدالت نے سی بی آئی کو داخل چارج شیٹ کے صفحات کو نمبر دینے کے لیے 14 اگست تک کا وقت دیا ہے۔ اس کے بعد ملزم کے وکیل چارج شیٹ کا معائنہ کریں گے۔18 افراد کو گرفتار کیا گیا ہے۔اس معاملے میں اب تک 18 لوگوں کو گرفتار کیا گیا ہے۔ جس میں دہلی کے وزیر اعلی اروند کجریوال، دہلی کے نائب وزیر اعلی منیش سیسودیا، راجیہ سبھا ممبر پارلیمنٹ سنجے سنگھ اور دیگر کے نام شامل ہیں۔سنجے سنگھ کو سپریم کورٹ سے ضمانت مل گئی ہے۔ 21 مارچ کو دہلی ہائی کورٹ سے اروند کجریوال کی گرفتاری سے تحفظ نہ ملنے پر ای ڈی نے 21 مارچ کی شام دیر گئے اروند کجریوال کو گرفتار کیا تھا۔ جبکہ کجریوال کو سی بی آئی نے 26 جون کو گرفتار کیا تھا۔