منی پور میں جے ڈی یو نے بی جے پی سے اپنی حمایت واپس حمایت لے کر دیا جھٹکا

امپھال ،22جنوری :(اردودنیا.اِن/ایجنسیز)نتیش کمار کی قیادت والی جنتا دل (یونائیٹڈ) نے منی پور میں این بیرن سنگھ کی قیادت والی بی جے پی حکومت سے اپنی حمایت واپس لے لی ہے۔ اگرچہ اس پیش رفت سے حکومت کے استحکام پر کوئی اثر نہیں پڑے گا، لیکن یہ ایک مضبوط پیغام ہے کیونکہ جے ڈی یو مرکز اور بہار میں بی جے پی کی بڑی اتحادی ہے اور بہار میں اس سال انتخابات ہونے والے ہیں۔ یہ پیشرفت میگھالیہ میں برسراقتدار کونراڈ سنگما کی زیرقیادت نیشنل پیپلز پارٹی کے بیرن سنگھ حکومت کی حمایت واپس لینے کے چند ماہ بعد ہوئی ہے۔ اسے جے ڈی یو اور بی جے پی کے تعلقات کے حوالے سے بھی دیکھا جا رہا ہے۔

منی پور میں 2022 کے اسمبلی انتخابات میں جے ڈی یو نے چھ سیٹیں جیتی تھیں، لیکن انتخابات کے چند ماہ بعد ہی پارٹی کے پانچ ایم ایل اے بی جے پی میں چلے گئے تھے، جس سے حکمراں پارٹی کی تعداد مضبوط ہوئی تھی۔ فی الحال، 60 رکنی اسمبلی میں، بی جے پی کے 37 ایم ایل اے ہیں اور جے ڈی یو کے پاس ایک ایم ایل اے ہے۔ اسے ناگا پیپلز فرنٹ کے پانچ ایم ایل ایز اور تین آزاد ایم ایل ایز کی حمایت حاصل ہے، جس سے اسے آرام دہ اکثریت مل رہی ہے۔ منی پور جے ڈی یو یونٹ کے سربراہ کیش بیرن سنگھ نے گورنر اجے کمار بھلا کو خط لکھ کر اپنی حمایت واپس لینے کی اطلاع دی ہے۔