لیبر انسپکٹر کے ساتھ زیادتی کے الزام میں جوائنٹ لیبر کمشنر گرفتار،دہلی میں کی تھی عصمت دری

کوٹہ، 3 اکتوبر :(اردودنیا.اِن/ایجنسیاں)راجستھان پولیس کے بعد ریاست کا لیبر ڈپارٹمنٹ بھی شرمسار ہوا ہے۔ دراصل جودھپور میں تعینات جوائنٹ لیبر کمشنر پردیپ جھا کو کوٹا پولیس نے کوٹہ لیبر ڈیپارٹمنٹ کی خواتین اہلکاروں کے ساتھ چھیڑ چھاڑ اور زیادتی کے الزام میں گرفتار کیا ہے۔ بتادیں کہ واقعہ اس وقت کا بتایا جا رہا ہے جب جوائنٹ لیبر کمشنر پردیپ جھا کوٹہ میں تعینات تھے۔پولیس نے اتوار کو ملزم پردیپ جھا کو عدالت میں پیش کیا۔

اس معاملے میں بڑی بات یہ تھی کہ جس عمارت کی سیڑھیاں چڑھ کرملزم لیبر کمشنر کے دفتر جایاکرتاتھا۔ آج اسی عمارت میں چل رہے چل رہی عدالت میں عصمت دری کے الزام میںاسے پیش کیا گیا ہے ۔ سپرنٹنڈنٹ آف پولیس بھاگوت سنگھ ہنگاد اس پورے معاملے کی تحقیقات کر رہے ہیں۔

موصولہ معلومات کے مطابق متاثرہ نے پولیس کو شکایت دی تھی کہ لیبر کمشنر نومبر 2019 کو اسے دہلی لے گیا، جہاں راجستھان ہاؤس میں اس کے ساتھ دو بار زیادتی کی گئی۔ لیبر کمشنر اسے اکتوبر 2019 کو بوندی لے کرگیا۔ یہاں ایک گیسٹ ہاؤس میں غلط طریقے سے چھوا گیا۔ جنوری 2020 میں بھی لیبر کمشنر پردیپ جھا نے کوٹا کے پیپلڈا ہاؤس میں ملاقات کی۔

وہاں اس نے اپنے کمرے میں زیادتی کی کوشش کی۔ ستمبر 2020 کو بھی لیبر کمشنر نے انہیں اسی جگہ بلایا اور پھر ریپ کا وہی عمل دہرایا۔ خاتون اہلکارنے لیبر کمشنر پر ڈرانے دھمکانے کے سنگین الزامات بھی لگائے ہیں۔ خاتون اہلکار نے لیبر کمشنر پر پچھلے دو سال سے عصمت دری اور جسمانی استحصال کا الزام لگایا۔