ممبئی ،024؍اپریل:(اردودنیا.اِن/ایجنسیاں) پی ایم ایل اے کی ایک خصوصی عدالت نے پیر کو مہاراشٹر کے کابینہ کے وزیر نواب ملک کی عدالتی تحویل میں 14 دن کی توسیع کر دی۔ نواب ملک اب 18 اپریل تک جیل میں رہیں گے۔ تاہم عدالت نے گھر کا کھانا اور ادویات کی اجازت دے دی ہے۔
قبل ازیں عدالتی حراست کے دوران انہیں بستر، گدے اور کرسی فراہم کرنے کی ان کی درخواست قبول کر لی گئی تھی۔ ملک کو انفورسمنٹ ڈائریکٹوریٹ (ای ڈی) نے 23 فروری کو منی لانڈرنگ کیس میں گرفتار کیا تھا۔ ملک تب سے مسلسل حراست میں ہیں، ملک نے ای ڈی کے کیس کو منسوخ کرنے کے لیے گزشتہ ہفتے بمبئی ہائی کورٹ کا رخ کیا۔
لیکن اس کی درخواست مسترد کر دی گئی۔ملک نے ممبئی ہائی کورٹ کے فیصلے کو چیلنج کرتے ہوئے سپریم کورٹ کا رخ کیا ہے۔ ملک نے دعویٰ کیا ہے کہ ان کی گرفتاری مکمل طور پر غیر قانونی ہے۔ 15 مارچ کو بمبئی ہائی کورٹ نے ملک کی عبوری درخواست کو مسترد کر دیا، جس میں انفورسمنٹ ڈائریکٹوریٹ (ای ڈی) کے ذریعہ ان کے خلاف درج منی لانڈرنگ کیس میں ان کی فوری رہائی کی درخواست کی گئی تھی۔
