سری نگر، 7 ستمبر:(اردودنیا.اِن/ایجنسیاں)جنوبی کشمیر کے اننت ناگ ضلع کے ایک طالب علم کی بدھ کی صبح بنگلہ دیش میں موت ہو گئی۔ وہ بنگلہ دیش کے خواجہ یونس علی میڈیکل کالج اینڈ اسپتال میں ایم بی بی ایس کر رہی تھیں۔ کالج کے طلباء نے جموں و کشمیر کے لیفٹیننٹ گورنر (ایل جی) منوج سنہا سے طالبہ کی لاش کشمیر واپس لانے کی اپیل کی ہے۔ذرائع کے مطابق، خوشبو منظور بیٹی منظور احمد، جو ضلع اننت ناگ کے بجبہاڑہ کی رہائشی ہے، بنگلہ دیش کے خواجہ یونس علی میڈیکل کالج اینڈ ہسپتال میں ایم بی بی ایس تھرڈ ایئر کی طالبہ تھی۔ بتایا جا رہا ہے کہ بدھ کی صبح خوشبو چوتھی منزل سے نیچے گر گئی۔
حادثے کے بعد اسے علاج کے لیے اسپتال لے جایا گیا، لیکن وہ جانبر نہ ہوسکا۔ کالج کے طلبا نے اس واقعہ پر گہرے دکھ کا اظہار کیا اور لیفٹیننٹ گورنر منوج سنہا سےنعش ڈھاکہ سے واپس وادی لانے کا مطالبہ کیا۔دوسری جانب طالبہ کی ہلاکت کی خبر سنتے ہی آبائی گاؤں میں سوگ کی لہر دوڑ گئی۔ اہل علاقہ اور ان کے رشتہ دار اہل خانہ کو تسلی دینے پہنچ رہے ہیں۔طالب علم کے اہل خانہ نے لیفٹیننٹ گورنر سے میت واپس لانے کی بھی درخواست کی ہے۔
