کیرالہ: دلہا اور دلہن دیگچے میں بیٹھ کر ’تیرتے ہوئے‘ شادی کی تقریب میں پہنچے

 کوزی کوڈ :(اردودنیا.اِن/ایجنسیاں)کیرالہ کے جنوبی حصے میں شدید بارشوں نے تباہی مچانے کے بعد ایک کیرالہ کا جوڑا اپنے شہر کی سیلاب زدہ گلیوں میں سفر کرنے کے بعد غیر معمولی انداز میں اپنی شادی کی تقریب میں پہنچا ہے۔سیلاب کے پانی سے بھری گلیوں کو مندر کے ایک بڑے دیگچے میں بیٹھ کر پار کیا۔ 

سوشل میڈیا پر وائرل ویڈیو میں دیکھا جا سکتا ہے کہ ایک انڈین جوڑے نے مقامی مندر سے بڑا دیگچہ مستعار لیا اور اس عارضی کشتی کو دھکیلنے کے لیے دو افراد نے مدد کی۔ ان کے ساتھ ایک کیمرہ مین بھی تھا۔

 

دلہن نے ایک مقامی میڈیا چینل ایشیا نیٹ کو شادی کی تقریب کے بعد بتایا یہ ایک ایسی شادی میں بدل گیا جس کے بارے میں ہم نے تصور نہیں کیا تھا-شدید بارشیں سیلاب اور لینڈ سلائیڈنگ کا باعث بنیں جس کی وجہ سے کم از کم 27 افراد ہلاک ہوئے۔

جس مقام پر ان کی شادی ہونا تھی وہ جگہ بھی سیلاب سے متاثر تھا تاہم جوڑے نے شادی کی تقریب کو محدود رکھنے کا ارادہ کیا تھا۔ایک ویڈیو میں ایک آدمی کو کہتے ہوئے سنا جا سکتا ہے کہ ان کو ’گاڑی کے بجائے کشتی بُک کرانی چاہیے تھی۔‘میڈیا رپورٹس کے مطابق دونوں میاں بیوی محکمہ صحت کے ملازم ہیں۔کیرالہ میں گذشتہ چار دنوں میں گاڑیاں اور بسیں سیلاب کے پانی میں بہہ گئی تھیں۔

پیر کو ریسکیو ورکرز نے بچ جانے والے افراد کی تلاش کی۔ جب کہ آرمی نیوی اور ایئرفورس نے ریلیف اور ریسکیو آپریشنز میں مدد کی۔ریاستی حکومت نے کہا ہے کہ پھنسے ہوئے ہزاروں افراد کو نکالا گیا ہے اور سو سے زیادہ کیمپس بنائے گئے ہیں۔کیرالہ میں 2018 میں سیلاب کی وجہ سے پانچ سو افراد ہلاک ہوئے تھے۔.

So this couple from Alappuzha district in Kerala used a large cooking vessel to wade through the flood water to get to their wedding venue. Even the wedding venue was flooded, but fortunately they managed to get married without missing the muhurtham time :) pic.twitter.com/mqldzgKIkd

— Shilpa (@Shilpa1308) October 18, 2021