دہشت گردی کے 2 ملزموں کو ہائی کورٹ نے ضمانت دی

الہ آباد ،14مارچ :(اردودنیانیوز.کام/ایجنسیز) الہ آباد ہائی کورٹ نے حال ہی میں لکھنؤ میں پریشر ککر بم دھماکوں کی سازش کے سلسلے میں گزشتہ سال گرفتار کیے گئے دو مبینہ دہشت گردوں کو ضمانت دے دی ہے۔ اس سے قبل این آئی اے عدالت نے ان کی ضمانت کی درخواست مسترد کر دی تھی۔ جسٹس عطا الرحمان مسعود اور جسٹس اوم پرکاش شکلا پر مشتمل ڈوژن بنچ نے ملزم محمد مستقیم اور محمد شکیل کو ان کے بے داغ ریکارڈ کے سبب ضمانت دی۔

عدالت نے اس حقیقت کو بھی مدنظر رکھا کہ وہ گزشتہ ایک سال اور آٹھ ماہ سے جیل میں ہیں اور مقدمے کی سماعت شروع ہو چکی ہے۔ جولائی 2021 میں، اے ٹی ایس نے منہاج اور بشیر الدین نامی دو دہشت گردوں کو، جن کا تعلق مبینہ طور پر آپریشن انصار غزوۃ الہند تنظیم سے ہے، لکھنؤ سے اس الزام میں گرفتار کیا کہ انھوں نے 15 اگست 2021 کو لکھنؤ میں پریشر ککر بم حملے کی سازش کی تھی۔ 14 روزہ پولیس ریمانڈ کے دوران ایک مبینہ دہشت گرد نے کی نشاندہی پر مستقیم اور محمد شکیل کو گرفتار کیا گیا تھا۔

انہیں جولائی 2021 میں گرفتار کیا گیا اور دہشت گردی کے مختلف الزامات کے تحت مقدمہ درج کیا گیا۔ کیس میں تحقیقات کے بعد چارج شیٹ کو خصوصی عدالت میں پیش کیا گیا اور تفتیش کے دوران جمع کئے گئے تمام مواد کی جانچ کرنے کے بعد آئی پی سی کی دفعہ 120بی اور آرمس ایکٹ کی دفعہ 25(1بی)(اے) کے تحت پہلی نظر میں مقدمہ درج کیا گیا۔ این آئی اے کی جانب سے ضمانت کی درخواستوں کو مسترد کیے جانے کے بعد انہوں نے ہائی کورٹ کا رخ کیا۔

اپیل کنندگان نے ہائی کورٹ میں دلیل دی کہ متعلقہ مواد کو جمع کرنے سے تفتیش کا مقصد پورا ہو گیا ہے۔اپیل کنندگان کی آزادی کو مزید کم کرتے ہوئے، وہ بھی ایسی صورت حال میں جہاں مقدمہ چل رہا ہے اور گواہوں کی فہرست طویل ہونے کی وجہ سے، اپیل کنندگان کو طویل مدتی قید کرنا آئین ہند کے آرٹیکل 21 کی خلاف ورزی ہے۔ مزید کہا گیا ہے کہ جن جرائم کے اپیل کنندگان ملزم ہیں وہ مقدمے کی سماعت کے دوران ثابت ہو چکے ہیں اور الزامات این آئی اے ایکٹ سے منسلک شیڈول کے دائرہ کار میں نہیں آتا ہے، اس لیے ان کی مزید حراست اپیل کنندہ کی آزادی کی خلاف ورزی ہوگی۔