مہاراشٹر: گورنر کوشیاری کا شیو سینا کو بڑا جھٹکا، بی ایم سی کی ’شیلٹر اسکیم‘ کی تحقیقات کا حکم دیا

ممبئی، 2 جنوری :(اردودنیا.اِن/ایجنسیاں) مہاراشٹر میں بی ایم سی ملازمین کیلئے شروع کی گئی شیلٹر اسکیم shelter scheme کو لے کر ریاستی حکومت کو دھچکا لگا ہے۔ شیوسینا کو بڑا جھٹکا دیتے ہوئے مہاراشٹر کے گورنر بھگت سنگھ کوشیاری نے بی ایم سی کی’آشرے یوجنا Ashray Yojana‘ کی جانچ کا حکم دیا ہے۔ گورنر نے مہاراشٹر کے لوک آیکت کو معاملے کی تحقیقات کا حکم دیا ہے۔

بی جے پی کا الزام ہے کہ بی ایم سی کی شیلٹر اسکیم میں ایک ہزار 800 کروڑ کا گھوٹالہ ہوا ہے۔بی ایم سی کی ’شیلٹر اسکیم‘ سے متعلق بی جے پی کے الزامات کے مطابق سی وی سی (سینٹرل ویجیلنس کمیشن) کے قوانین کی خلاف ورزی کی گئی ہے۔ قواعد کے مطابق اگر کسی ٹینڈر میں صرف ایک حصہ لینے والا حصہ لیتا ہے تو ٹینڈر واپس بلایا جانا چاہیے لیکن ایسا نہیں ہوا۔

شیلٹر اسکیم کے تحت بی ایم سی ملازمین کے لیے مکانات بنا رہی تھی۔بی جے پی کا الزام ہے کہ بی ایم سی اور شیو سینا نے 1800 کروڑ روپے کاگھوٹالہ کیا ہے۔ بی جے پی نے گورنر بھگت سنگھ کوشیاری سے ملاقات کی تھی اور اس معاملے کی شکایت کی تھی اور لوک آیکت سے پورے معاملے کی تحقیقات کا مطالبہ کیا گیا تھا۔