کرناٹک میں بڑا حادثہ: ٹینک میں گرنے والے مزدور کو بچانے آئے باقی ساتھی دم گھٹنے سے 5 کی موت

منگلورو، 18 اپریل:(اردودنیا.اِن/ایجنسیاں) کرناٹک کے منگلورو میں اتوار کی رات ایک بڑا حادثہ ہوا۔ معلومات کے مطابق فش پروسیسنگ یونٹ میں دم گھٹنے سے پانچ مزدوروں کی موت ہو گئی ہے۔ منگلورو کے پولس کمشنر این ششی کمار نے یہ اطلاع دی۔ تمام مزدور مغربی بنگال کے رہنے والے تھے۔

متوفین کی عمر 20 سے 22 سال کے درمیان تھی۔پولیس کمشنر نے بتایا کہ ایک کارکن کچرا اٹھانے والے ٹینک کے اندر گرا اور اس کے اندر ہی بے ہوش ہوگیا، اسے بچانے کیلئے سات دیگر مزدور ٹینک میں گھس گئے اور وہ بھی بے ہوش ہو گئے، انہیں اے جے اسپتال لے جایا گیا، جہاں کل رات تین کی موت ہوگئی۔

دو دیگر کی آج صبح آئی سی یو میں موت ہو گئی۔ یہ سبھی مغربی بنگال کے رہنے والے ہیں اور ان کی عمریں 20 سے 22 سال کے درمیان ہیں۔ پولیس کمشنر نے کہا کہ آئی سی یو میں تین دیگر افراد کی حالت خطرے سے باہر بتائی گئی ہے۔

منیجر اور سپروائزر کے خلاف آئی پی سی کی دفعہ 304 (مجرم قتل نہ کہ قتل) کے تحت مقدمہ درج کیا ہے۔ پروڈکشن منیجر روبی جوزف، فیلڈ منیجر کبیر گاڈے اور سپروائزرز محمد انور اور فاروق کو حراست میں لے لیا گیا ہے اور ان سے پوچھ گچھ کی جا رہی ہے۔