منی پور: آسام رائفلز کے سپاہی نے اپنے ہی 6 ساتھیوں کو گولی مار دی

منی پور ، 24جنوری:(اردودنیانیوز.کام/ایجنسیز) منی پور میں ہندوستان-میانمار سرحد پر تعینات آسام رائفلز کے ایک سپاہی نے اپنے ساتھیوں پر فائرنگ کر دی۔ اس کے بعد اس نے خود کو گولی مار کر خودکشی کر لی۔ اس واقعے کے بعد آسام رائفلز نے کہا ہے کہ یہ منی پور میں جاری ذات پات کے تشدد کی وجہ سے نہیں ہوا۔ذرائع کے مطابق یہ واقعہ بدھ کی صبح اس وقت پیش آیا جب فوجی چھٹی گزار کر چورا چند پور میں واقع اپنے گھر سے واپس آیا۔ یہ واقعہ ہندوستان-میانمار سرحد کے قریب جنوبی منی پور میں آسام رائفلز بٹالین کے اندر پیش آیا۔ملزم فوجی نے بدھ کے روز اپنی رائفل سے اپنے ساتھیوں پر گولی چلائی۔

جس کی وجہ سے چھ افراد زخمی ہو گئے۔ اس کے بعد اس نے خود کو گولی مار لی۔ زخمی فوجیوں کو فوجی اسپتال میں داخل کرایا گیا ہے اور ان سب کی حالت مستحکم ہے۔ آئی جی آسام رائفلز کی طرف سے جاری بیان میں کہا گیا کہ اس واقعہ میں زخمی ہونے والے تمام فوجی منی پور کے نہیں ہیں۔بیان میں کہا گیا ہے کہ منی پور کی موجودہ صورتحال کے پیش نظر واقعہ کی تفصیلات دینا ضروری ہے کیونکہ اس سے افواہوں اور قیاس آرائیوں کو جنم مل سکتا ہے۔ اس افسوسناک واقعہ کو ریاست کی موجودہ صورتحال سے نہیں جوڑا جانا چاہیے۔ زخمیوں سے اس کا کوئی تعلق نہیں۔