منی لانڈرنگ کیس میں مہاراشٹرا کے سابق وزیر داخلہ انیل دیشمکھ کو کوئی راحت نہیں

15 نومبر تک ای ڈی کی حراست میں

ممبئی، 12؍ نومبر :(اردودنیا.اِن/ایجنسیاں)منی لانڈرنگ کیس میں مشکلات کا سامنا کرنے والے مہاراشٹرا کے سابق وزیر داخلہ انیل دیشمکھ کو آج عدالت سے راحت نہیں ملی۔ عدالت نے انل دیشمکھ کی ای ڈی حراست میں 15 نومبر تک توسیع کر دی ہے۔ اس سے پہلے انیل دیشمکھ نے عدالت میں جج کو ایک تحریری خط دیا تھا۔ جس میں انہوں نے کہا کہ ای ڈی نے مجھے 10 دن سے رکھا ہے۔

اس دوران 200 سے زائد سوالات پوچھے گئے۔ میرے پاس ابھی بتانے کے لیے کچھ نہیں ہے، جو ای ڈی کو چاہیے ۔ اس کے لیے ای ڈی کسٹڈی نہیں دی جانی چاہیے۔دیش مکھ کو عدالت میں پیش کرنے سے پہلے میڈیکل چیک اپ کے لیے لے جایا گیا۔ ای ڈی کی دلیل تھی کہ اس معاملے میں سچن واجے کو تحویل میں لینے کی کوشش کی جا رہی ہے۔

دونوں سے آمنے سامنے پوچھ گچھ ہونی ہے، اس لیے انل دیشمکھ کی تحویل میں اضافہ کیا جائے۔انل دیشمکھ کے کونسل وکرم چودھری نے حراست میں توسیع کی مخالفت کی تھی۔

انیل دیشمکھ کی کونسل وکرم چودھری نے کہا کہ اگر سچن واجے کی تحویل میں بعد میں آمنے سامنے لیا جا سکتا ہے تو عدالت کی اجازت سے بعد میں انل دیشمکھ کی تحویل بھی لی جا سکتی ہے۔ سچن واجے اس وقت پولیس کی حراست میں ہیں۔