مختار انصاری 2010 کے گینگسٹرس ایکٹ کیس میں مجرم قرار، 10 سال قید اور 5 لاکھ روپے جرمانے کی سزا

نئی دہلی :(اردودنیانیوز.کام/ایجنسیز) گینگسٹر ایکٹ کیس میں عدالت نے مختار انصاری کو 10 سال قید کی سزا سنائی ہے۔کپل دیو سنگھ قتل کیس اور میر حسن کے قتل کی کوشش کے کیس میں گینگسٹر مختار انصاری کو جمعہ کو سزا سنائی گئی۔ غازی پور کی ایم پی ایم ایل اے عدالت نے مختار کو 10 سال قید کی سزا سنائی ہے۔ اس کے علاوہ 5 لاکھ روپے جرمانہ بھی عائد کیا گیا ہے۔ ایک دن قبل جمعرات کو عدالت نے مختار انصاری اور شریک ملزم سونو یادو کو مجرم قرار دیتے ہوئے سزا محفوظ کر لی تھی۔ عدالت نے کہا کہ اگر کوئی گینگ چلاتا ہے اور استغاثہ کے گواہ عدالت میں اپنے بیان سے منحرف ہوجاتے ہیں تو اس کا مطلب یہ نہیں ہوگا کہ مختار نے کوئی جرم نہیں کیا ہے۔یہ تیسرا گینگسٹر کیس ہے جس میں مافیا کو 10 سال قید کی سزا سنائی گئی ہے۔ مختار انصاری کے خلاف درج گینگسٹر کے دونوں مقدمات میں، وہ پہلے گواہ کےبیان بدلنےکی وجہ سے بری ہو گئے تھے۔

میر حسن کے قتل کی کوشش کے مقدمے میں گواہ نے متعدد بار مختلف بیانات قلمبند کرائے ۔ اس سے لگتا ہے کہ ڈر کی وجہ سے وہ مختار انصاری اور سونو یادو کے خلاف بیان نہیں دے پائے۔ ایسے میں ہائی کورٹ کے حکم کو ذہن میں رکھتے ہوئے مختار اور سونو یادو کو مجرم قرار دیا گیا ہے۔سماعت کے دوران بانڈہ جیل میں بند مختار انصاری ویڈیو کانفرنسنگ کے ذریعے عدالت میں پیش ہوئے۔ سونو یادو ذاتی طور پر نظر آئے۔ مجرم قرار دیے جانے کے بعد مختار انصاری کے چہرے پر تناؤ نمایاں تھا۔ اس کے ساتھ ہی، مجرم ثابت ہونے کے بعد، سونو یادو کو عدالتی تحویل میں لے کر جیل بھیج دیا گیا۔ استغاثہ اور دفاع دونوں کی نظریں اب عدالت پر جمی ہوئی ہیں۔

مختار کو گینگسٹر کے دو مقدمات میں دس دس سال قید کی سزا سنائی گئی ہے۔آپ کو بتاتے چلیں کہ مختار انصاری کو ایم پی-ایم ایل اے کی عدالت میں دو گینگسٹر کیسوں میں دس دس سال کی سزا سنائی گئی ہے۔ گینگسٹر کیس میں پہلی سزا وارانسی میں اودھیش رائے قتل کیس میں 10 سال اور وارانسی سے کوئلہ تاجر اور ہندوتوا لیڈر نند کشور رنگٹا کے اغوا کیس کے گینگسٹر کیس میں دوسری سزا سنائی گئی۔پچھلے ایک سال میں یہ چھٹا کیس ہے جس میں سابق رکن اسمبلی کو سزا سنائی گئی ہے۔ انصاری کے خلاف قتل اور اقدام قتل سمیت کل 61 مقدمات درج ہیں۔