بہار:بیوی کواجنبی شخص کے ساتھ دیکھ کر شوہر ہوابے قابو،کدال سے کاٹ کرکردیا دونوں کاقتل

بہار شریف: (اردودنیا.اِن)بہار کے نالندہ ضلع کے تھرتاری پولیس اسٹیشن میں ایک شوہر نے اپنی بیوی اور اس کے عاشق کو ہلاک کردیا۔ شوہر کا کہنا ہے کہ اس نے اپنی بیوی کو غیرمردکے ساتھ دیکھ کر اپنا ہواس کھو دیا اور بیوی اور اس کے عاشق کو کدال سے کاٹ کر قتل کردیا۔

بدھ کے روز پولیس کے ایک عہدیدار نے بتایا کہ ہلاک ہونے والوں کی شناخت ریکھا دیوی (32)، سبلو کمار کی اہلیہ اور ہلسا کے دھرم پور کی رہائشی نشانت کمار کے نام سے ہوئی ہے۔عہدیدار نے بتایا کہ روپنی بیگاہ گاؤں کا رہائشی سبلو کمار کسی اور ریاست میں کام کرتا ہے۔ جب وہ بدھ کے روز گھر آیا تو اس نے اپنی اہلیہ ریکھا کو ایک غیر مرد نشانت کے ساتھ قابل اعتراض حالت میں دیکھا۔

ناراض ہو کر سبالو نے کدال سے دونوں کو مار ڈالا اور فرار ہوگیا۔مقامی لوگوں نے بتایا کہ ریکھا کا ماموں ہلسا کے دھرم پور میں ہے۔ نشانت بھی اسی جگہ سے تھا۔ اپنے شوہر کے گھر نہ ہونے کی وجہ سے وہ ریکھا کے گھر جاتاتھا۔

شوہر کو اس کا شک ہوچکا تھا۔ اسی دوران وہ اچانک اسے بتائے گھر پہنچا اور جو دیکھا اس سے اس نے آپا کھو دیا۔ڈپٹی سپرنٹنڈنٹ پولیس (لاء اینڈ آرڈر) سنجے کمار نے کہا کہ یہ ابتدائی طورپر قتل کا معاملہ ہے۔ تفتیش کے بعد ساری بات سامنے آجائے گی۔ پولیس اسٹیشن کے انچارج چندن کمار نے بتایا کہ پولیس نے دونوں لاشوں کو اپنے قبضہ میں لے کر پوسٹ مارٹم کے لئے صدر اسپتال بھیج دیا۔ معاملے کی تحقیقات کی جارہی ہیں۔ انہوں نے بتایا کہ واقعہ کے بعد سے ملزم مفرور ہے۔